നവിമുംബൈ: കർക്കടകവാവ് ബലിതർപ്പണത്തിനായുള്ള ഒരുക്കങ്ങൾ നെരൂൾ ഗുരുദേവഗിരിയിൽ പുരോഗമിക്കുന്നു. ഗുരുദേവഗിരി മഹാദേവ ക്ഷേത്ര സന്നിധിയിൽ ആഗസ്റ്റ് 3 ന് പുലർച്ചെ 5.30 മുതൽ 12 വരെയാണ് ഇവിടെ ബലിതർപ്പണം നടക്കുക.
ഒരു മണിക്കൂർ വീതമുള്ള ബാച്ചുകളായി 12 മണിവരെ തുടരും. 11 മണിക്ക് പിതൃക്കളുടെ ആത്മശാന്തിക്കായുള്ള തിലസായൂജ്യ ഹോമം നടക്കും. ആഗസ്റ്റ് 4 ഞായറാഴ്ചയും അമാവാസി ഉള്ളതിനാൽ അന്ന് ബലിയിടാൻ ആഗ്രഹിക്കുന്നവർക്ക് അതിനുള്ള സൗകര്യവും ഇവിടെ ഉണ്ടായിരിക്കും.
4 ന് രാവിലെ 7.30 നായിരിക്കും ബലിയിടൽ കർമം നടക്കുക. ദൂരെദിക്കുകളിൽ നിന്നുള്ളവർക്ക് തലേ ദിവസം ഇവിടെ എത്തി താമസിച്ചു പുലർച്ചെ കുളിച്ചു ബലിയിട്ടു മടങ്ങുന്നതിനുള്ള സൗകര്യവും ഉണ്ടായിരിക്കും. വിവരങ്ങൾക്ക് 7304085880, 9892045445, 9004143880 എന്നീ നമ്പറുകളിൽ ബന്ധപ്പെടാം.
