കണ്ണിലെ ചികിത്സയ്ക്കായി ബോളിവുഡ് സൂപ്പർ താരം ഇന്നോ നാളെയോ അമേരിക്കയിലേക്ക് പറക്കും. അടുത്തിടെയാണ് താരം യുകെയിൽ നിന്ന് എത്തിയത്. മുംബൈയിലെ ഒരു ആശുപത്രിയിൽ ശസ്ത്രക്രിയക്കായി നടൻ എത്തിയെങ്കിലും ചില കാരണങ്ങളാൽ ഇത് നടന്നില്ല. ഇതോടെയാണ് വിദേശത്തേക്ക് പറക്കാൻ തീരുമാനിച്ചത്. ബോളിവുഡ് ഹംഗാമയാണ് വാർത്ത പുറത്തുവിട്ടത്. ഇന്നോ നാളെയോ താരം അമേരിക്കയിലേക്ക് പോകുമെന്നാണ് സൂചന.
അതേസമയം ഷാരൂഖ് ഖാന്റെ മാനേജർ പൂജ ദാദ്ലാനി ഇതുവരെ ഇക്കാര്യത്തിൽ ഔദ്യോഗിക പ്രതികരണമാെന്നും നടത്തിയിട്ടില്ല. നേരത്തെ ഐപിഎൽ മത്സരത്തിനിടെ സൂര്യാഘാതമേറ്റ താരത്തെ അഹമ്മദാബാദിലെ ആശുപത്രിയിൽ പ്രവേശിപ്പിച്ചിരുന്നു.
2014 ൽ വിഷൻ നേരെയാക്കാൻ മൈനർ സർജറിക്കും താരം വിധേയനായിട്ടുണ്ട്. താരം ഇനി കിംഗ് എന്ന ചിത്രത്തിലാകും അഭിനയിക്കുന്നത്. താരത്തിന്റേതായി ഏറ്റവും ഒടുവിൽ പുറത്തിറങ്ങിയ ചിത്രം രാജ് കുമാർ ഹിരാനിയുടെ ഡങ്കിയായിരുന്നു.
