അമിതഭാരം കാരണം ബുദ്ധിമുട്ട് അനുഭവിക്കുന്നവരാണ് നമ്മളിൽ പലരും. ഇന്നത്തെ തലമുറയുടെ ഭക്ഷണക്രമം തന്നെയാണ് പൊണ്ണത്തടി ഉണ്ടാകാനുള്ള പ്രധാന കാരണം. ഡയറ്റിംഗ്, വ്യായാമം എന്നീ വഴികൾ തിരഞ്ഞെടുക്കുന്നവർ പലരും ആഹാരത്തിന്റെ അളവ് കുറക്കുന്നതും ശീലമാക്കാറുണ്ട്. എന്നാൽ മതിയായ പോഷക ഘടകങ്ങൾ ശരീരത്തിലേക്ക് എത്തിയില്ലെങ്കിൽ പലവിധ അസുഖങ്ങളും വില്ലനായെത്തും. പഴങ്ങൾ, പച്ചക്കറികൾ, പയറുവർഗങ്ങൾ, പാൽ, മുട്ട എന്നിവ ആഹാരക്രമത്തിൽ ഉൾപ്പെടുത്തിയാൽ അത്തരം വെല്ലുവിളിയിൽ നിന്ന് രക്ഷനേടാനാകും. കൃത്യമായ അളവിൽ എല്ലാ പോഷകഘടകങ്ങളും ശരീരത്തിലെത്താനുള്ള ഭക്ഷണങ്ങൾ ഏതൊക്കെയെന്ന് നോക്കാം.
ചെറുപയർ
ശരീരഭാരം നിയന്ത്രിക്കാനും കൃത്യമായ അളവിൽ പോഷക ഘടകങ്ങൾ ശരീരത്തിലേക്ക് എത്തുന്നതിനും സഹായിക്കുന്ന പച്ചക്കറിയാണ് ചെറുപയർ. പയറിൽ ധാരാളം പ്രോട്ടീനും നാരുകളും അടങ്ങിയിട്ടുണ്ട്. വിശപ്പ് നിയന്ത്രിക്കാനും കൊഴുപ്പിന്റെ അളവ് കുറയ്‌ക്കാനും ചെറുപയർ സഹായിക്കുന്നു.
കോളിഫ്ലവർ
കോളിഫ്ലവർ കഴിക്കുന്നത് ശരീരഭാരം കുറയ്‌ക്കാൻ വളരെയധികം സഹായിക്കുന്നു. അൽപ്പം രുചികരമായി കഴിക്കുന്നതിനായി ”കോളിഫ്‌ളവർ റൈസ് സ്റ്റിർ ഫ്രൈ” എന്ന വിഭവം തയ്യാറാക്കാവുന്നതാണ്. ഫ്രൈഡ് റൈസിന് സമാനമായ രീതിയിലാണ് ഇതിന്റെ പാചകം. ചോറിന് പകരം കോളിഫ്‌ളവർ പൊടി പൊടിയായി അരിഞ്ഞാണ് ഈ വിഭവത്തിൽ ചേർക്കുന്നത്. കോളിഫ്ലവറിൽ നാരുകൾ കൂടുതലായി അടങ്ങിയിട്ടുണ്ട്. ഇതിൽ കലോറി കുറവാണ്. അതിനാൽ രക്തത്തിലെ പഞ്ചസാരയുടെ അളവ് നിയന്ത്രിക്കാനും ശരീരഭാരം കുറയ്‌ക്കാനും സഹായിക്കുന്നു.
മധുരക്കിഴങ്ങ്
ശരീരഭാരം കുറയ്‌ക്കാൻ അത്യുത്തമമാണ് മധുരക്കിഴങ്ങ്. ഇതിൽ കാർബോഹൈഡ്രേറ്റുകളും നാരുകളും അടങ്ങിയിട്ടുണ്ട്. ഇത് പ്രോട്ടീൻ ഉത്പാദിപ്പിക്കാനും മെറ്റബോളിസം വർദ്ധിപ്പിക്കാനും സഹായിക്കും. ഇത് വേവിച്ചും പച്ചയ്‌ക്കും കഴിക്കാവുന്നതാണ്.
വേവിച്ച പച്ചക്കറികൾ
പച്ചക്കറികൾ ആവിയിൽ വേവിച്ച് കഴിക്കുന്നത് ശരീരഭാരം നിയന്ത്രിക്കാനും പേശികൾ ബലപ്പെടുത്തുന്നതിനും സഹായിക്കുന്നു.
