ശ്രീനഗർ: കശ്മീരിലെ സോപോറിൽ നടന്ന ഏറ്റുമുട്ടലിൽ ഭീകരനെ വധിച്ച് സുരക്ഷാസേന. ബാരാമുള്ള ജില്ലയിലെ ചെക്ക്പോസ്റ്റിനുനേരെ ഭീകരർ വെടിയുതിർത്തിരുന്നു. തുടർന്ന് 32 രാഷ്‌ട്രീയ റൈഫിൾസും സോപോർ പൊലീസും നടത്തിയ സംയുക്ത ഓപ്പറേഷനിലാണ് ഭീകരനെ വധിച്ചത്.
നേരത്തെ റാഫിയാബാദിലെ വാട്ടർഗാമിലുള്ള പൊലീസ് ചെക്ക്പോസ്റ്റിനുനേരെ ഭീകരർ വെടിയുതിർത്തിരുന്നു. തുടർന്നാണ് സുരക്ഷാ സേനയും ഭീകരരും തമ്മിൽ വെടിവയ്പ്പുണ്ടായത്. മേഖലയിൽ കൂടുതൽ സൈനികരെ വിന്യസിച്ചിട്ടുണ്ട്.
