അഭിമാനമുയർത്തിയ ചെസ് താരങ്ങൾക്ക് അനുമോദനം; പ്രധാനമന്ത്രിയെ കണ്ട് ഒളിമ്പ്യാഡ് ചാമ്പ്യന്മാർ

ലോക ചെസ് ഒളിമ്പ്യാഡിൽ ചാമ്പ്യന്മാരയ ഇന്ത്യൻ താരങ്ങൾ പ്രധാനമന്ത്രി നരേന്ദ്രമോദിയുമായി കൂടികാഴ്ച നടത്തി. ബുഡാപെസ്റ്റിൽ നടന്ന ടൂർണമെന്റിൽ ഓപ്പൺ, വനിത വിഭാ​ഗങ്ങളിലാണ് ഇന്ത്യൻ താരങ്ങൾ പൊന്നണിഞ്ഞത്. ടൂർണമെന്റിലെ ഇന്ത്യയുടെ ആദ്യ സ്വർണ മെ‍ഡൽ നേട്ടമായിരുന്നു ഇത്.

ഫൈനൽ റൗണ്ടിൽ പുരുഷ ടീം സ്ലൊവേനിയയെ തകർത്തപ്പോൾ വനിത ടീം അസർബൈജാനെ വീഴ്‌ത്തിയാണ് മെഡലുകൾ ഉറപ്പിച്ചത്. പുരുഷ വിഭാ​ഗത്തിൽ ഡി.​ഗുകേഷ്,അർജുൻ എറി​ഗാസി, ആർ പ്രജ്ഞാനന്ദ എന്നിവരുടെ അവാസന റൗണ്ടിലെ വിജയം നിർണായകമായി.

ആർ.വൈശാലി, താനിയ സച്ച്ദേവ്,വിദിത് ​ഗുജറാത്തി,ഹരിക എന്നിവരടക്കമുള്ള താരങ്ങളുമായി പ്രധാനമന്ത്രി സംവദിച്ചു. 11 റൗണ്ടിലും പത്തിലും ജയിച്ച ഡി ​ഗുകേഷാണ് ഇന്ത്യൻ വിജയത്തിന്റെ ചുക്കാൻ പിടിച്ചത്.

കൂടികാഴ്ചയിൽ പ്രധാനമന്ത്രിക്ക് താരങ്ങൾ ചെസ്ബോർഡ് സമ്മാനിച്ചു. തുടർന്ന് അർജുൻ എറി​ഗാസിയും പ്രജ്ഞാനന്ദയും പ്രധാനമന്ത്രിയുടെ സാന്നിദ്ധ്യത്തിൽ ഒരു ​ഗെയിം കളിച്ചു. ഇതിന്റെ വീഡിയോയും ചിത്രങ്ങളുമാണ് പുറത്തുവന്നത്.

#WATCH | Prime Minister Narendra Modi meets the Chess Olympiad winning team at his residence, in Delhi pic.twitter.com/7njupbpncK

— ANI (@ANI) September 25, 2024

Bullet Chess by two Grandmasters. Incredible! India’s chess future is very bright: PM Modi pic.twitter.com/9uCuoKqmVc

— IANS (@ians_india) September 25, 2024