നീയൊന്നും പുറത്താക്കേണ്ട! നായകസ്ഥാനം രാജിവച്ച് ഒഴിഞ്ഞ് ബാബർ; പാക് ക്രിക്കറ്റിൽ പൊട്ടിത്തെറി

പാകിസ്താൻ ക്രിക്കറ്റ് ടീമിന്റെ വൈറ്റ് ബോൾ ക്യാപ്റ്റൻ സ്ഥാനം രാജിവച്ച് ബാബ‍ർ അസം. പിസിബി താരത്തെ പുറത്താക്കുമെന്ന് അഭ്യൂഹമുണ്ടായിരുന്നു.ഇതിന് മുൻപ് താരം ഒരു മുഴം മുന്നേ എറിയുകയായിരുന്നു. ഇന്ന് രാത്രി പങ്കുവച്ച ഒരു സോഷ്യൽ മീഡിയ പോസ്റ്റിലാണ് താരം ഒഴിയുന്ന വിവരം വ്യക്തമാക്കിയത്.നേരത്തെ പാക്കിസ്താന്റെ ഓൾ ഫോർമാറ്റ് ക്യാപ്റ്റനായിരുന്നു ബാബർ അസം, 2023 ൽ ഇന്ത്യയിൽ നടന്ന ഏകദിന ലോകകപ്പിൽ ടീമിന്റെ മോശം പ്രകടനത്തിന് ശേഷമാണ് രാജി പ്രഖ്യാപിച്ചത്.

പേസ‍ർ ഷഹീൻ ഷാ അഫ്രീദി അദ്ദേഹത്തിന്റെ പിൻഗാമിയായി ടി20 ക്യാപ്റ്റനായി സ്ഥാനമേറ്റെങ്കിലും പുതിയ ചെയ‍ർമാനെത്തിയതോടെ ബാബറിനെ വീണ്ടും നായകനാക്കുകയായിരുന്നു. ഇത് ടീമിൽ വലിയ പൊട്ടിത്തെറികൾക്ക് വഴിവച്ചിരുന്നു. ടി20 ലോകപ്പിൽ ടീം നാണംകെട്ട് പുറത്തായതും ബാബ‍റിന് തിരിച്ചടിയായി. ചാമ്പ്യൻസ് ട്രോഫിക്ക് മുൻപ് താരത്തെ പുറത്താക്കാൻ തീരുമാനിച്ചതായി റിപ്പോ‍‍ർട്ടുകളുണ്ടായിരുന്നു.

“ഞാൻ ഇന്ന് നിങ്ങളുമായി ചില വാർത്തകൾ പങ്കിടുന്നു. കഴിഞ്ഞ മാസം പിസിബിക്കും ടീം മാനേജ്‌മെൻ്റിനും ഞാൻ നൽകിയ അറിയിപ്പ് പ്രകാരം പാകിസ്താൻ പുരുഷ ക്രിക്കറ്റ് ടീമിന്റെ ക്യാപ്റ്റൻ സ്ഥാനം രാജിവയ്‌ക്കാൻ തീരുമാനിച്ചു.”ഈ ടീമിനെ നയിക്കാനായത് അഭിമാനകരമായ കാര്യമാണ്, എന്നാൽ ഞാൻ സ്ഥാനമൊഴിഞ്ഞ് എന്റെ റോളിൽ ശ്രദ്ധ കേന്ദ്രീകരിക്കേണ്ട സമയമാണിത്. എന്റെ പ്രകടനത്തിന് മുൻഗണന നൽകാനും എന്റെ ബാറ്റിംഗ് ആസ്വദിക്കാനും  കുടുംബത്തോടൊപ്പം സമയം ചെലവഴിക്കാനും ആഗ്രഹിക്കുന്നു, അത് എനിക്ക് സന്തോഷം നൽകുന്നു- തുടങ്ങിയ കാര്യങ്ങളാണ് ബാബർ കുറിപ്പിൽ പറഞ്ഞത്.

Dear Fans,

I’m sharing some news with you today. I have decided to resign as captain of the Pakistan men’s cricket team, effective as of my notification to the PCB and Team Management last month.

It’s been an honour to lead this team, but it’s time for me to step down and focus…

— Babar Azam (@babarazam258) October 1, 2024