പാലക്കാട്: അമിതവേഗതയിൽ എത്തിയ കാറിടിച്ച് വിദ്യാർഥികൾക്ക് ദാരുണാന്ത്യം. മണ്ണുത്തി ദേശീയപാതയിലാണ് അപകടം നടന്നത്. പന്തലാംപാടം മേരിമാതാ ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥികളായ വടക്കഞ്ചേരി അഞ്ചുമൂർത്തി മംഗലം മുഹമ്മദ് റോഷൻ , മുഹമ്മദ് ഇസ്ലാം എന്നിവരാണ് മരിച്ചത്.
നീലിപ്പാറ ക്വാറിക്ക് സമീപം ഉച്ചയ്‌ക്ക് ഒന്നരയോടു കൂടിയാണ് അപകടം. വെള്ളിയാഴ്ച നമസ്കാരത്തിന് ശേഷം പള്ളിയിൽ നിന്നും വരികയായിരുന്നു വിദ്യാർഥികൾ. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
