രാജ്യത്തെ ഏറ്റവും വലിയ കോടീശ്വരന്മാരിലൊരാളാണ് മുകേഷ് അംബാനി. ബിസിനസ് ലോകത്തെ തിരക്കിലും വീട്ടിലെ ജീവനക്കാർക്ക് നല്ല രീതിയിൽ ശമ്പളവും, ആനുകൂല്യങ്ങളും നൽകുന്ന വ്യക്തിയാണ് അംബാനി . ‘ആന്റില’യില് എന്ന വീട്ടിലെ പാചകക്കാരന്റെയും, ഡ്രൈവർമാരുടെയും ശമ്പളം ഒരു സ്വകാര്യ കമ്പനിയിലെ മുതിര്ന്ന എക്സിക്യൂട്ടിവിന് കിട്ടുന്ന തുകയെക്കാള് ഉയര്ന്നതാണെന്നാണ് റിപ്പോര്ട്ട്.
മുകേഷ് അംബാനിയുടെ സ്വകാര്യ ഡ്രൈവർക്ക് പ്രതിമാസം 2 ലക്ഷം രൂപയാണ് പ്രതിഫലം . പ്രതിവർഷം 24 ലക്ഷം രൂപ .ഇതിനുപുറമേ കുടുംബാംഗങ്ങള്ക്കുള്ള ആരോഗ്യ ഇന്ഷുറന്സും , കുട്ടികൾക്കുള്ള വിദ്യാഭ്യാസച്ചെലവും അടക്കമുള്ള ആനുകൂല്യങ്ങളും ലഭിക്കുന്നുണ്ട്.
അംബാനി കുടുംബത്തിലെ ഡ്രൈവർമാർക്കും മറ്റ് സമ്പന്നർക്കും മികച്ച പ്രതിഫലം ലഭിക്കുന്നതിനുള്ള ഒരു പ്രധാന കാരണം അവർ കഠിനമായ പരിശീലന നടപടിക്രമങ്ങളിലൂടെ കടന്നുപോകുന്ന പ്രൊഫഷണൽ ഡ്രൈവർമാരാണ് എന്നതാണ്. യാത്രക്കാർക്ക് അതീവ സുരക്ഷ ഉറപ്പാക്കാൻ ആഡംബര വാഹനങ്ങളും ബുള്ളറ്റ് പ്രൂഫ് വാഹനങ്ങളും കൈകാര്യം ചെയ്യാൻ കഴിവുള്ളവരായിരിക്കണം ഡ്രൈവർമാർ എന്നത് അംബാനി കുടുംബത്തിന്റെ നിർബന്ധമാണ്.
