ആൺകുട്ടിയെ പ്രകൃതിവിരുദ്ധ പീഡനത്തിന് ഇരയാക്കി; മദ്രസ അദ്ധ്യാപകൻ പിടിയിൽ

കൊല്ലം: പ്രായപൂർത്തിയാകാത്ത ആൺകുട്ടിയെ പ്രകൃതിവിരുദ്ധ പീഡനത്തിനിരയാക്കിയ സംഭവത്തിൽ മദ്രസ അദ്ധ്യാപകൻ പിടിയിൽ. വടക്കുതല അജ്മൽ ഉസ്താദ് (29) ആണ് ചവറ പൊലീസിന്റെ പിടിയിലായത്.

2015 മുതൽ 2018 വരെയുള്ള കാലയളവിൽ ഇയാൾ ആൺകുട്ടിയെ നിരന്തരമായി പ്രകൃതിവിരുദ്ധ ലൈംഗിക പീഡനത്തിന് ഇരയാക്കുകയായിരുന്നു. എന്നാൽ പീഡന വിവരം കുട്ടി വെളിപ്പെടുത്തിയിരുന്നില്ല.

മുതിർന്നതിന് ശേഷവും കുട്ടിയുടെ പെരുമാറ്റത്തിൽ മാറ്റങ്ങൾ കണ്ടതോടെ ബന്ധുക്കൾ കാര്യം തിരക്കുകയായിരുന്നു. തുടർന്നാണ് പീഡന വിവരം പുറത്തറിയുന്നത്.

ഇതോടെ ബന്ധുക്കൾ പൊലീസിൽ പരാതി നൽകി. തുടർന്ന് നടത്തിയ അന്വേഷണത്തിൽ അജ്മലിനെ പിടികൂടുകയായിരുന്നു. പോക്‌സോ ചുമത്തി അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.