ആരോഗ്യത്തോടെ ഇരിക്കാൻ ആഗ്രഹിക്കാത്തവരായി ആരുമുണ്ടാകില്ല. രോഗങ്ങളെ ചെറുക്കാനും പ്രതിരോധശേഷി കൂട്ടാനുമായി നിരവധി കാര്യങ്ങൾ ചെയ്യുന്നവരാണ് മിക്കവരും. മഞ്ഞുകാലത്താകും ശരീരത്തെ ആരോഗ്യത്തെ വയ്‌ക്കാൻ ബുദ്ധിമുട്ടുന്ന സമയം. എന്നാൽ ഈ പഴങ്ങൾളും പച്ചക്കറികളും കഴിച്ചാൽ പ്രതിരോധശേഷി വർദ്ധിപ്പിക്കാം.. അവയിതാ..
സിട്രസ് പഴങ്ങൾ: വിറ്റാമിൻ സി, ആൻ്റി ഓക്സിഡൻ്റുകൾ എന്നിവയാൽ സമ്പന്നമാണ് സിട്രസ് പഴങ്ങളായ ഓറഞ്ചും മുന്തിരിയും നാരങ്ങയുമൊക്കെ. അണുബാധയ്‌ക്കെതിരെ പൊരുതുന്ന വെളുകത്ത രക്താണുക്കളുടെ ഉത്പാദനം മെച്ചപ്പെടുത്താൻ വിറ്റാമിൻ സിക്ക് സാധിക്കും.
വെളുത്തുള്ളി: ആൻ്റി ബാക്ടീരിയൽ, ആന്റി-വൈറൽ ഗുണങ്ങളുള്ള വെളുത്തുള്ളിയിൽ അല്ലിസിൻ എന്ന സംയുക്തം അടങ്ങിയിട്ടുണ്ട്. ഇത് പതിവായി കഴിക്കുന്നത് ജലദോഷം വരാനുള്ള സാധ്യത കുറയ്‌ക്കുന്നു. രോഗപ്രതിരോധശേഷി മെച്ചപ്പെടുത്താനും വെളുത്തുള്ളി കഴിക്കുന്നത് നല്ലതാണ്.
ഇഞ്ചി: ആൻ്റി-ഇൻഫ്ലമേറ്ററി ഗുണങ്ങൾ ഇഞ്ചിയിൽ അടങ്ങിയിരിക്കുന്നു. തൊണ്ട് വേദനയെ ശമിപ്പിക്കാനും രക്തചംക്രമണം മെച്ചപ്പെടുത്താനും ഇഞ്ചി നല്ലതാണ്. ശൈത്യകാലത്ത് ശരീരത്തിൽ ചൂട് നിലനിർത്താൻ ഇത് സഹായിക്കും.
മധുരക്കിഴങ്ങ്: വിറ്റാമിൻ എ നൽകുന്ന ബീറ്റാ കരോട്ടിനുകളുടെ ഉറവിടമാണ് മധുരക്കിഴങ്ങ്. സീസണലായി വരുന്ന അണുബാധയെ ചെറുക്കാനും പ്രതിരോധശേഷി മെച്ചപ്പെടുത്താനും ഇത് നല്ലതാണ്.
യോഗർട്ട്, തൈര്: ഇതിലടങ്ങിയിരിക്കുന്ന പ്രബയോട്ടിക്സ് രോഗപ്രതിരോധ ശേഷി മെച്ചപ്പെടുത്തുന്ന മൈക്രോബയോമിനെ പ്രോത്സാഹിപ്പിക്കുന്നു. ദഹനം മെച്ചപ്പെടുത്താനും തൈര് സീലമാക്കുന്നത് നല്ലതാണ്.
കൂൺ: പ്രതിരോധശേഷി മെച്ചപ്പെടുത്തുന്ന ബീറ്റാ ഗ്ലൂക്കൻസ് കൂണിൽ അടങ്ങിയിട്ടുണ്ട്. രക്തസമ്മർദ്ദം നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്ന നാരുകളും പൊട്ടാസ്യവും കൂൺ നൽകുന്നു.
ബദാം: രോഗപ്രതിരോധശേഷി മെച്ചപ്പെടുതച്തുന്ന വിറ്റാമിൻ ഇയുടെ സമ്പന്നമായ ഉറവിടമാണ് ബദാം. ദിവസവും ഒരു പിടി ബദാം കഴിക്കുന്നത് പ്രതിരോധശേഷി മെച്ചപ്പെചുത്തുന്നതിന് പുറമേ പോഷകങ്ങളും ശരീരത്തിന് നൽകുന്നു.
മഞ്ഞൾ: ഇതിലെ കുർക്കുമിൻ ആണ് ശരീരത്തിന് രോഗപ്രതിരോധശേഷി നൽകുന്നത്. സൂപ്പിലോ, പാലിലോ, കറികളിലോ മഞ്ഞൾ ചേർത്ത് കഴിക്കാം.
ഗ്രീൻ ടീ: ആൻ്റി ഓക്സിഡൻ്റുകളുടെ കലവറയാണ് ഗ്രീൻ ടീ. വൈറസുകളെയും ബാക്ടീരിയകളെയും പ്രതിരോധിക്കാൻ ഇത് സഹായിക്കുന്നു.
