ഉന്നാൽ മുടിയാത് തമ്പി! ചാമ്പ്യൻസ് ട്രോഫി ഹൈബ്രിഡ് മോഡലിൽ തന്നെ; തലകുനിച്ച് പാകിസ്താൻ

പാകിസ്താന്റെ പിടിവാശിക്ക് വഴങ്ങാതെ ഐസിസി ഉറച്ച നിലപാട് സ്വീകരിച്ചതോടെ ചാമ്പ്യൻസ് ട്രോഫി ഹൈബ്രിഡ് മോഡലിൽ നടത്താൻ സമ്മതിച്ച് പിസിബി. 2025 ൽ നടക്കുന്ന ടൂർണമെന്റിൽ ഇന്ത്യയുടെ മത്സരങ്ങൾ ദുബായിൽ നടത്തും. അതേസമയം ചാമ്പ്യൻസ് ട്രോഫിക്ക് ശേഷം നടക്കുന്ന എല്ലാ ടൂർണമെന്റും 2031 വരെ ഹൈബ്രിഡ് മോഡലിൽ നടത്തണമെന്ന ആവശ്യം പാകിസ്താനും ഐസിസിക്ക് മുന്നിൽ വച്ചിട്ടുണ്ട്. ഈ ആവശ്യം അം​ഗീകരിക്കാൻ ഐസിസിയും നിർബന്ധിതരായെന്ന് പിടിഐ റിപ്പോർട്ട് ചെയ്യുന്നത്. അന്തിമ തീരുമാനം ഉടനെ പ്രഖ്യാപിച്ചേക്കും.

കൂടാതെ ഐസിസിയുടെ വാർഷിക വരുമാനം വർദ്ധിപ്പിക്കണമെന്നും ആവശ്യപ്പെട്ടിട്ടുണ്ട്. നിലവിലിത് 5.75 ശതമാനമാണ്. ഹോസ്റ്റിം​ഗ് അവകാശത്തിന്റെ ഫീസും വർദ്ധിപ്പിക്കണമെന്ന് പാകിസ്താൻ ആവശ്യപ്പെട്ടുവെന്ന് റിപ്പോർട്ടുകൾ സൂചിപ്പിക്കുന്നു. 2031 വരെ ഇന്ത്യ നാല് ഐസിസി ഇവൻ്റുകൾക്കാണ് ആതിഥേയത്വം വഹിക്കുന്നത്. ഇതിൽ ചിലത് മറ്റ് രാജ്യങ്ങളുടെ പങ്കാളിത്തതോടെയാണ്.

Pakistan Cricket Board willing to accept a Hybrid Model for next year’s Champions Trophy and play India in Dubai if ICC implements the same policy for all its events going till 2031: PCB source to PTI. pic.twitter.com/CQ77vC0nZv

— Press Trust of India (@PTI_News) November 30, 2024