വിവാഹവാർഷികം ആഘോഷമാക്കി അമല പോളും ഭർത്താവ് ജഗദ് ദേശായിയും . കുമരകത്ത് വേമ്പനാട് കായലിനു നടുവില് പ്രത്യേകം ഒരുക്കിയ വേദിയിൽ ആയിരുന്നു വിവാഹവാർഷികാഘോഷം.
‘ എന്നും വിസ്മയിപ്പിച്ചുകൊണ്ടിരിക്കുന്ന പ്രിയപ്പെട്ട ഭർത്താവിന് വിവാഹ വാർഷിക ആശംസകൾ. ഇൗ വിവാഹവാർഷിക ദിനത്തിൽ ലഭിച്ച സമ്മാനം ഞാനെത്ര ഭാഗ്യവതിയാണെന്ന് എന്നെ ഒാർമപ്പെടുത്തുന്നു.എന്നോട് വിവാഹാഭ്യർഥന നടത്തിയ ദിവസം മുതൽ നീ എനിക്ക് തരുന്ന ഓരോ സ്വീറ്റ് സർപ്രൈസും നമ്മുടെ ബന്ധം ശക്തമാക്കാൻ നീ എടുക്കുന്ന ശ്രമങ്ങൾക്കുള്ള തെളിവാണ്.സ്നേഹത്തിന്റെയും പുഞ്ചിരിയുടെയും ജീവിതമാകട്ടെ നമുക്ക് . ഒപ്പം എന്റെ എല്ലാ മുൻകാമുകന്മാരും യഥാർഥ പ്രണയമെന്തെന്ന് കാണുക ‘ – ആഘോഷങ്ങളുടെ വീഡിയോയ്ക്കൊപ്പം അമല പോൾ കുറിച്ചു.
കഴിഞ്ഞ നവംബറിലായിരുന്നു അമലയുടേയും ജഗദ് ദേശായിയുടേയും വിവാഹം. ഇരുവർക്കും അടുത്തിടെയാണ് പെൺകുഞ്ഞ് ജനിച്ചത്.ഇളൈയ് എന്നാണ് അമലയുടെ കുഞ്ഞിന്റെ പേര്.
