ഇന്ത്യ കണ്ടുപിടിച്ചു, ഹെഡ് നിശബ്ദനാകുന്ന ​ഗ്രൗണ്ട്! ടീമിനെ താറടിച്ച് മൈക്കൽ വോൺ

ട്രാവിസ് ഹെഡിന് മുന്നിൽ ഒരിക്കൽക്കൂടി ഇന്ത്യ പതറിയപ്പോൾ രൂക്ഷപരിഹാസവുമായി എത്തിരിക്കുകയാണ് മുൻ ഇം​ഗ്ലണ്ട് താരവും കമന്റേറ്ററുമായ മൈക്കൽ വോൺ. മഴ പെയ്യുമ്പോൾ കവർ ചെയ്തിരിക്കുന്ന ഒരു ​ഗ്രൗണ്ടിന്റെ ചിത്രം പങ്കുവച്ചാണ് വോൺ ഇന്ത്യയെ രൂക്ഷമായി പരിഹസിച്ചത്. എക്സ് പോസ്റ്റിലായിരുന്നു കളിയാക്കൽ.

“ഒടുവിൽ ട്രാവിസ് ഹെഡിനെ നിശബ്ദനാക്കാനുള്ള ​ഗ്രൗണ്ട് ഇന്ത്യ കണ്ടെത്തി”– എന്നായിരുന്നു വോണിന്റെ പരിഹാസം. ബ്രിസ്ബെയ്നിലെ ​ഗ്രൗണ്ട് മഴയെ തുടർന്ന് മൂടി ഇട്ടിരിക്കുന്ന ചിത്രമാണ് താരം പങ്കുവച്ചിരിക്കുന്നത്. ഇന്ത്യയെ പരിഹസിക്കുന്നതിലും താറടിക്കുന്നതിലും എന്നും മുന്നിൽ നിൽക്കുന്നയാളാണ് മൈക്കൽ വോൺ. അതേസമയം ന്യൂസിലൻഡിനെതിരെ തകർന്ന് തരിപ്പണമായ ഇം​ഗ്ലണ്ടിന്റെ സ്കോർ കാർഡുകൾ വോണിന്റെ പോസ്റ്റിന് താഴെ ഇന്ത്യൻ ആരാധകരും കമന്റ് ചെയ്യുന്നുണ്ട്.

ഇന്ത്യക്കെതിരെയുള്ള ട്രാവിസ് ഹെഡിന്റെ ആധിപത്യമാണ് മൈക്കൽ വോൺ പോസ്റ്റിലൂടെ ചൂണ്ടിക്കാട്ടിയത്. അഡ്ലെയ്ഡ് ടെസ്റ്റിൽ സെഞ്ച്വറി നേടിയ താരം കളിയിലെ കേമനായിരുന്നു. ​ഗാബ ടെസ്റ്റിലും ഹെഡ് ഇന്ത്യക്ക് തലവേദനയാകുന്ന കാഴ്ചയാണുള്ളത്. 152 റൺസാണ് താരം നേടിയത്.

Finally India have found a field to keep Travis head quiet … #AUSvIND pic.twitter.com/qIwmMVXIde

— Michael Vaughan (@MichaelVaughan) December 15, 2024