പറക്കും തളിക ട്രാഫിക് ജാം മാറി നിൽക്കും! ബെം​ഗളൂരുവിനെ സ്തംഭിപ്പിച്ച് ട്രക്ക് ഡ്രൈവർ, കാരണമിത്

ഈ പറക്കും തളിക എന്ന ചിത്രത്തിൽ സുന്ദരൻ ഉണ്ടാക്കിയ ട്രാഫിക് ജാം ആരും മറക്കാനിടയില്ല. ബെം​ഗളൂരു നൈസ്-ഹൊസൂർ റോഡിൽ വൈറ്റ് ഫെതർ കൺവെഷൻ സെന്ററിന് സമീപത്തായിരുന്നു ട്രാഫിക് ജാം. 16 വീൽ ട്രക്കാണ് നടുറോഡിൽ പാർക്ക് ചെയ്തിട്ട് ഡ്രൈവർ‌ മുങ്ങിയത്. ട്രാഫിക് പൊലീസുകാരനുമായുള്ള തർക്കമാണ് ഒന്നര മണിക്കൂർ നീണ്ട ബ്ലോക്കിലേക്ക് വഴിവച്ചത്.

വൈകിട്ട് 4.30നും എട്ടിനും ന​ഗരത്തിലേക്ക് ചരക്ക് വാഹനങ്ങൾ കടക്കുന്നതിന് വിലക്കുണ്ട്. ഇത് ലംഘിച്ച് ന​ഗരത്തിലേക്ക് പ്രവേശിക്കാൻ ശ്രമിച്ചതോടെയാണ് പൊലീസ് വാഹനം തടഞ്ഞത്. 2000 രൂപയുടെ പിഴയുമിട്ടു, തർക്കം രൂക്ഷമായതോടെ യുവാവ് നടുറോഡിൽ വാഹനമിട്ട് താക്കോലുമായി പോവുകയായിരുന്നു.

തുടർന്ന് പൊലീസ് മറ്റ് ട്രക്കുകളുടെ താക്കോൽ ഉപയോ​ഗിച്ചാണ് വാഹനം വശത്തേക്ക് ഒതുക്കിയത്. ഒരു ബൈക്കിന് പോലും പോകാൻ സാധിക്കാത്ത രീതിയിലാണ് ഇയാൾ നടുറോഡിൽ വാഹനം പാർക്ക് ചെയ്തിരുന്നത്. ഡ്രൈവർക്കെതിരെ പൊലീസ് കേസ് രജിസ്റ്റർ ചെയ്തിട്ടുണ്ട്. സർവീസ് റോഡുവഴിയാണ് പിന്നീട് പൊലീസ് വാഹനങ്ങൾ വഴിതിരിച്ച് വിട്ടത്.

A truck driver blocked the highway near Bengaluru’s Electronic City, causing a massive traffic jam on Wednesday night. Later traffic police intervened and cleared. pic.twitter.com/jm9iIdN6Lb

— Elezabeth Kurian (@ElezabethKurian) December 19, 2024