പാലക്കാട്: കുറുക്കൻ മുന്നിൽ ചാടിയതിനെ തുടർന്ന് സ്‌കൂട്ടറിൽ നിന്നുവീണ് പരിക്കേറ്റ അദ്ധ്യാപിക മരിച്ചു. ഇ. വി. സുനിത (48) ആണ് മരിച്ചത്. പാലക്കാട് ചളവറ ഗവ.യുപി സ്‌കൂളിലെ താൽക്കാലിക ഐടി അദ്ധ്യാപികയായിരുന്നു.
ഇക്കഴിഞ്ഞ ശനിയാഴ്ച രാവിലെ 10 ന് വട്ടമണ്ണപ്പുറം മിനി സ്റ്റേഡിയത്തിന് സമീപമായിരുന്നു അപകടം. ഇവർ സഞ്ചരിച്ച സ്‌കൂട്ടറിനു മുന്നിലേക്ക് കുറുക്കൻ ചാടിയപ്പോൾ നിയന്ത്രണം നഷ്ടപ്പെടുകയായിരുന്നു.
റോഡിലേക്കു വീണ് സുനിതയ്‌ക്ക് ഗുരുതരമായി പരുക്കേറ്റു. തുടർന്ന് നാട്ടുകാർ ചേർന്ന് ഇവരെ ആശുപത്രിയിൽ പ്രവേശിപ്പിക്കുകയായിരുന്നു. പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് സുനിത മരിച്ചത്.
