കണ്ണൂർ: സ്കൂൾ ബസ് നിയന്ത്രണം വിട്ട് മറിഞ്ഞ് പെൺകുട്ടിക്ക് ദാരുണാന്ത്യം. 11 വയസുകാരി നേദ്യാ രാജേഷ് ആണ് മരിച്ചത്. 14 കുട്ടികൾക്കും പരിക്കേറ്റിട്ടുണ്ട്. ഇവരിൽ ആരുടെയും നില ഗുരുതരമല്ല. ഇവരെ കണ്ണൂരിലെ സ്വകാര്യാശുപത്രിയിലേക്ക് മാറ്റി. കണ്ണൂര്‍ വളക്കൈ പാലത്തിന് സമീപമുള്ള ഇറക്കത്തിൽ വച്ചാണ് ബസിന് നിയന്ത്രണം തെറ്റിയത്.മൂന്ന് തവണയാണ് ബസ് മറിഞ്ഞത്.
മറിയുന്നതിനിടെ പുറത്തേക്ക് തെറിച്ച് വീണ നിത്യയുടെ ബസിന് അടിയിൽപെട്ടാണ് നിത്യ മരിക്കുന്നത്. ബസ് പൊക്കിയതിന് ശേഷമാണ് കുട്ടി അടിയിലുണ്ടെന്ന് മനസിലായത്. ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.നാട്ടുകാരാണ് രക്ഷാപ്രവർത്തനം നടത്തിയത്. കുറുമാത്തൂർ ചിന്മയ സ്കൂളിലെ ബസാണ് അപകടത്തിൽപ്പെട്ടത്. ഇറക്കത്തിൽ വച്ച് നിയന്ത്രണം വിട്ട ബസ് മതിലിലേക്ക് ഇടിച്ചുകയറി പ്രധാന റോഡിലേക്ക് മറിയുകയായിരുന്നു.
