2015-2019 വര്ഷങ്ങളിലെ സ്പോര്ട്സ് ക്വാട്ട നിയമനത്തിനായുള്ള സെലക്ട് ലിസ്റ്റില് നിന്നും 249 കായിക താരങ്ങളെ വിവിധ വകുപ്പുകളില് വിവിധ തസ്തികകളില് നിയമിക്കുന്നതിന് അനുമതി നല്കി. ഇന്ന് ചേർന്ന മന്ത്രിസഭാ യോഗത്തിലാണ് ഇതിനുള്ള തീരുമാനമായത്.
2018 ലെ ഏഷ്യന് ഗെയിംസില് മെഡല് നേടിയ 5 പേര്ക്ക് പൊതു വിദ്യാഭ്യാസ വകുപ്പില് അസിസ്റ്റന്റ് സ്പോര്ട്സ് ഓര്ഗനൈസറായി നിയമനം നല്കിയിട്ടുള്ളതിനാല് 2020 മുതല് 2024 വരെയുള്ള 250 ഒഴിവുകളിലേക്ക് വിജ്ഞാപനം പുറപ്പെടുവിക്കുമ്പോള് 5 ഒഴിവുകള് കുറയ്ക്കും.
കോഴിക്കാട് രാമനാട്ടുകര വില്ലേജില് രണ്ടേക്കര് നാല്പത് സെന്റ് സ്ഥലം കളിസ്ഥലം നിര്മ്മിക്കാന് പരിവര്ത്തനപ്പെടുത്തുന്നതിന് രാമനാട്ടുകര മുനിസിപ്പാലിറ്റി ചെയര്മാന് സമര്പ്പിച്ച അപേക്ഷയില് വ്യവസ്ഥകള്ക്ക് വിധേയമായി അനുമതി നല്കി.
