മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
കുടുംബപരമായി ചില അസന്തുഷ്ടികൾ രൂപപ്പെടും. മടി അനുഭവപ്പെടുകയും ചെയ്യുന്ന പ്രവർത്തനങ്ങളിൽ തൃപ്തിക്കുറവ് ഉണ്ടാവുകയും ചെയ്യും. വിദേശത്ത് പോകുവാൻ അനുമതി ലഭിക്കും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
ചില മേഖലകളിൽ പ്രതിബന്ധങ്ങൾ നേരിടേണ്ടി വന്നേക്കാം, എന്നാൽ മറ്റു ചില മേഖലകളിൽ മികച്ച നേട്ടങ്ങൾ കൈവരിക്കാനുള്ള അവസരങ്ങളും ഉണ്ടാകും. രോഗാദി ദുരിതം അനുഭവത്തിൽ വരും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
സന്താനഭാഗ്യം, ജീവിത സുഖം, സ്ഥാനമാനങ്ങൾ ലഭിക്കുക, ശത്രുഹാനി, എവിടെയും വിജയം, അധികാരപ്രാപ്തി ഉള്ള തൊഴിൽ നേടാൻ ഉള്ള സാധ്യത ഒക്കെ ഫലത്തിൽ വരും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
ജോലി സ്ഥലത്ത് മേലധികാരികളുടെ പിന്തുണ ലഭിക്കും. ചിലർക്ക് ദ്രവ്യലാഭം ഉണ്ടാകും. ശുക്രന്റെ ജാതകത്തിലെ സ്ഥിതി അനുസരിച്ചു വ്യതിയാനങ്ങൾ വരാം. യാത്രാക്ലേശം ഉണ്ടാകും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
സന്താനഭാഗ്യം, ജീവിത സുഖം, സ്ഥാന മാനങ്ങൾ ലഭിക്കുക, ശത്രു ഹാനി, എവിടെയും വിജയം, അധികാര പ്രാപ്തി ഉള്ള തൊഴിൽ നേടാൻ ഉള്ള സാധ്യത ഒക്കെ ഫലം. ഇന്ന് മകം നക്ഷത്രമാണെങ്കിലും, പക്ക പിറന്നാൾ ആചരിക്കേണ്ടത് മാർച്ച് 12, ബുധനാഴ്ച ആകുന്നു.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
സുഹൃത്തുക്കൾ വഴി വഞ്ചിക്കപ്പെടുവാൻ സാധ്യത ഉള്ളതിനാൽ ജാഗ്രത പാലിക്കുക, കേസ് വഴക്കുകളിൽ ചിലർ അകപ്പെടേണ്ടി വരിക, ശരീരസുഖക്കുറവ്, ശത്രുഭയം, തൊഴിൽ ക്ലേശങ്ങൾ, ധനവരുമാനക്കുറവ് എന്നിവക്ക് സാധ്യത.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
സർക്കാർ സംബന്ധമായ ഗുണം, തൊഴിൽ വിജയം, പുത്രഭാഗ്യം, ധനനേട്ടം, സർവ്വ വിജയം, ഗൃഹോപകരണങ്ങളുടെ വർദ്ധനവ് എന്നിവ ഫലത്തിൽ വരാം
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
സത്സുഹൃത്തുക്കൾ ഉണ്ടാവുക, അവരിൽ നിന്നും ഗുണാനുഭവങ്ങൾ, മനസുഖം, ഉന്നതപദവി, കീർത്തി, ധനലാഭം, ഭാര്യാഭർത്തൃ സൗഖ്യം എന്നിവയ്ക്ക് സാധ്യത.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
ചാരവശാൽ ശുക്രന്റെ അനുകൂല സ്ഥിതി ഗുണഫലം ചെയ്യും എന്നാൽ ചിലർക്ക് ജോലി ചെയ്യുന്നിടത്ത് ക്ലേശങ്ങൾ ഉണ്ടാകുക, കുടുംബ ബന്ധുജനങ്ങളുമായി അഭിപ്രായ വ്യത്യാസം-കലഹം, അലച്ചിൽ എന്നിവക്ക് സാധ്യത
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
വിദേശ യോഗമുണ്ടാകും എങ്കിലും സ്ത്രീകൾ മുഖേന അപവാദം, കബളിക്കപ്പെടുക, വിദ്യാതടസ്സം, ബുദ്ധിക്കു മന്ദത, ദുർപ്രവർത്തികൾ ചെയ്യുവാൻ ഉള്ള അവസരം ഫലത്തിൽ വരാം.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
സർവ്വ കാര്യവിജയം, ധനലാഭം, മനസുഖം, കീർത്തി, ശരീര സുഖം, വിവാഹ ഭാഗ്യം, കുടുബ ബന്ധുജനങ്ങളുമായി അഭിപ്രായ വ്യത്യാസംഉള്ളവർക്ക് അതൊക്കെ മാറി രമ്യതയിലും സ്വരുമയിലും കഴിയുവാനും ഇക്കാലത്തു യോഗമുണ്ടാകുന്നതാണ്
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
സ്വത്ത് സംബന്ധിച്ചു ഉള്ള തർക്കം ഒത്തുതീർപ്പാകുക, വ്യാപാര-ബിസിനസ്സ് പുരോഗതി, ധനലാഭം, വീട്ടിൽ മംഗള കർമ്മങ്ങൾ നടക്കുക, ഭക്ഷണ സുഖം, പുണ്യ-തീർത്ഥ സ്ഥല സന്ദർശനത്തിനും സാധ്യത.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം, വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
