ചാമ്പ്യൻസ് ട്രോഫി ആരംഭിക്കാൻ മണിക്കൂറുകൾ ശേഷിക്കെ വീണ്ടും പുതിയ വിവാദം. 8 ടീമുകൾ മത്സരിരക്കുന്ന ടൂർണമെന്റിൽ ഏഴ് ടീമുകളുടെ പതാക മാത്രമാണ് കറാച്ചി സ്റ്റേഡിയത്തിൽ ഉള്ളതെന്നാണ് സൂചന. ടൂർണമെന്റിന് വേദിയാകുന്ന കറാച്ചി നാഷണൽ സ്റ്റേഡിയത്തിൽ നിന്നുള്ള ചില വീഡിയോകളും സോഷ്യൽ മീഡിയയിൽ പുറത്തുവന്നിട്ടുണ്ട്.
ഇതിൽ ഇന്ത്യയുടേത് ഒഴികെ, ശേഷിക്കുന്ന എല്ലാ രാജ്യങ്ങളുടെ പതാകകളും സ്റ്റേഡിയത്തിൽ സ്ഥാപിച്ചിട്ടുണ്ട്. രാജ്യാന്തര മാദ്ധ്യമങ്ങളും ഇക്കാര്യം റിപ്പോർട്ട് ചെയ്തിട്ടുണ്ട്. അതേസമയം എന്തുകൊണ്ടാണ് ഇന്ത്യൻ പതാക ഒഴിവാക്കിയതെന്ന് പാകിസ്താൻ ക്രിക്കറ്റ് ബോർഡോ ഐസിസിയോ വ്യക്തമാക്കിയിട്ടില്ല.
സുരക്ഷ പ്രശ്നങ്ങൾ ചൂണ്ടിക്കാട്ടി പാകിസ്താനിലേക്ക് ടീമിനെ അയക്കാൻ ബിസിസിഐ തയാറായിരുന്നില്ല. ഇതോടെ ടൂർണമെന്റ് ഹൈബ്രിഡ് മോഡലിൽ നടത്താൻ തീരുമാനിക്കുകയായിരുന്നു. ഇന്ത്യ സെമിയിൽ പ്രവേശിച്ചാൽ ആ മത്സരവും ഫൈനലിൽ കയറിയാൽ ഫൈനലും പാകിസ്താന് പുറത്തേക്ക് പോകും. ഇതാകാം പുതിയ നീക്കത്തിന് കാരണമെന്നാണ് ആരാധകർ ചൂണ്ടിക്കാട്ടുന്നു.
No Indian flag in Karachi: As only the Indian team faced security issues in Pakistan and refused to play Champions Trophy matches in Pakistan, the PCB removed the Indian flag from the Karachi stadium while keeping the flags of the other guest playing nations.
– Absolute Cinema,… pic.twitter.com/2zmcATn7iQ
— Nawaz 🇵🇰 (@Rnawaz31888) February 16, 2025
“>
