അമ്മയുടെ തുട കടിച്ചു മുറിച്ചു, പൊതിരെ തല്ലും തെറിയും; മകളുടെ ക്രൂരത പുറത്തായി

ഞെട്ടിപ്പിക്കുന്നൊരു വീഡിയോയാണ് സോഷ്യൽ മീഡിയയിൽ ഏവരുടെയും ശ്ര​ദ്ധപിടിച്ചു പറ്റുന്നത്. ഹരിയാനയിൽ നടന്നതെന്ന് പറഞ്ഞാണ് വീ‍ഡിയോ പ്രചരിക്കുന്നത്. എന്നാൽ സ്ഥലമോ സമയമോ തീയതിയോ സ്ഥിരീകരിക്കപ്പെട്ടിട്ടില്ല. വീഡിയോയിൽ ഒരു സ്ത്രീയെ പൊതിരെ തല്ലുന്ന യുവതിയെയാണ് കാണാനാകുന്നത്. വീഡിയോയിൽ നിന്ന് വ്യക്തമാകുന്നത് യുവതി മർദിക്കുന്നത് സ്വന്തം മാതാവിനെയാണെന്നാണ്. ഞെട്ടിപ്പിക്കുന്നതാണ് വീഡിയോ.

മാതാവിനെ തല്ലുകയും ചവിട്ടുകയും തുട കടിച്ചു മുറിക്കുകയും ചെയ്യുന്നുണ്ട് യുവതി. അസഭ്യവർഷം ചൊരിഞ്ഞു കൊണ്ടാണ് ഇവയെല്ലാം അവർ ചെയ്യുന്നതും. പ്രായമേറിയ സ്ത്രീ തല്ലരുതെന്ന് തൊഴുത് നിലവിളിച്ച് അപേക്ഷിക്കുന്നുണ്ടെങ്കിൽ യുവതി മർദനം തുടരുകയായിരുന്നു. ആരോ മൊബൈലിൽ പകർത്തിയ വീഡിയോയാണ് പുറത്തുവന്നത്.

ഇത്രയും മർദനം നടന്നിട്ടും ഇവരെ സഹായിക്കാൻ ആരും വരുന്നുമില്ല. മുടിക്ക് കുത്തിപിടിക്കുകയും കട്ടിലിൽ കിടത്തി തല്ലുകയുമായിരുന്നു. നെറ്റിസൺസ് ഇവർക്കതിരെ കർശന നടപടി സ്വീകരിക്കണമെന്നാവശ്യപ്പെട്ട‍ു. വീഡിയോയിൽ പലരും ഹരിയാന പൊലീസിനെ ടാ​ഗ് ചെയ്യുന്നുമുണ്ട്. ഹരിയാന മുഖ്യമന്ത്രി നായിബ് സിംഗ് സൈനിയെ ടാഗ് ചെയ്തുകൊണ്ട് നിരവധി ഉപയോക്താക്കൾ കുറ്റക്കാരിയായ മകൾക്കെതിരെ കർശന നടപടിയെടുക്കണമെന്ന് ആവശ്യപ്പെട്ടു.

A Daughter torturing her Mother.

I’m shock that – it’s her own mother, NOT mother-in-law.@police_haryana@DGPHaryanapic.twitter.com/Npv8dMka2X

— ShoneeKapoor (@ShoneeKapoor) February 27, 2025