ഓക്സിജൻ ട്യൂബ് പൊട്ടിത്തെറിച്ചു, ആശുപത്രി ജീവനക്കാരിക്ക് കണ്ണിൽ ​ഗുരുതര പരിക്ക്

തിരുവനന്തപുരം: ഓക്സിജൻ ട്യൂബ് പൊട്ടിത്തെറിച്ച്,ആശുപത്രി ജീവനക്കാരിക്ക് ​ഗുരുതര പരിക്ക്. തിരുവനന്തപുരം എസ് എ ടി ആശുപത്രിയിലാണ് അപകടം.നഴ്സിംഗ് അസിസ്റ്റൻറ് ഷൈലക്കാണ് പരിക്കേറ്റത്. കണ്ണിനു ഗുരുതരമായി പരിക്കേറ്റ ഷൈലയെ കണ്ണാശുപത്രിയിൽ പ്രവേശിപ്പിച്ചെങ്കിലും മെഡിക്കൽ കോളേജ് ആശുപത്രിയിലേക്ക് റഫർ ചെയ്തു. ഇവരെ ശസ്ത്രക്രിയക്ക് വിധേയമാക്കുമെന്നാണ് വിവരം. പൊട്ടിത്തെറിയുടെ കാരണം വ്യക്തമല്ല