പത്തനംതിട്ട: ശബരിമല ദർശനം നടത്തിയ മോഹൻലാൽ നടൻ മമ്മൂട്ടിയുടെ പേരിൽ വഴിപാട് നടത്തി. മുഹമ്മദ് കുട്ടി, വിശാഖം നക്ഷത്രത്തിലാണ് മമ്മൂട്ടിക്കായി മോഹൻലാൽ ഉഷപൂജ നടത്തിയത്. ഭാര്യ സുചിത്രയുടെ പേരിലും നടൻ വഴിപാട് അർപ്പിച്ചു. പമ്പയിൽ നിന്ന് കെട്ടിനിറച്ചാണ് മോഹൻലാൽ ഇന്ന് മലചവിട്ടിയത്.
വൈകിട്ട് അഞ്ചോടെ അയ്യന് മുന്നിൽ തൊഴുത് പ്രാർത്ഥിച്ച അദ്ദേഹം ദീപാരാധയും തൊഴുതു. നാളെ നെയ്യഭിഷേകവും നിര്‍മാല്യം തൊഴുത ശേഷമാകും മലയിറങ്ങുക. തന്ത്രിയുമായി അദ്ദേഹം കൂടിക്കാഴ്ച നടത്തി. എമ്പുരാൻ എന്ന ചിത്രം 27ന് റിലീസിന് ഒരുങ്ങുന്നതിന് മുന്നോടിയായാണ് മോഹൻലാൽ ശബരിമല ദർശനം നടത്തിയത്.
