അബുദാബിയിൽ വാഹനം മറിഞ്ഞ് മലയാളി യുവാവ് മരിച്ചു. തിരുവനന്തപുരം പനയറ ചെമ്മറുത്തി സ്വദേശി ശരത് ശശിധരനാണ് മരിച്ചത്. ഗാലക്സി മിൽക്കി വേ കാണാൻ അബുദാബി അൽഖുവയിലേക്കു പോയ അഞ്ചംഗ സംഘത്തിന്റെ വാഹനം മണൽപ്പാതയിലൂടെ യാത്ര ചെയ്യുമ്പോൾ നിയന്ത്രണം വിടുകയായിരുന്നു. പലതവണ മറിഞ്ഞ വാഹനത്തിൽ നിന്ന് തെറിച്ചുവീണാണ് ശരത് മരിച്ചത്. 4 പേർ പരിക്കുകളോടെ രക്ഷപ്പെട്ടു. സ്റ്റാർ സർവീസ് എൽഎൽസിയിൽ സേഫ്റ്റി ഓഫിസറായിരുന്നു 37-കാരനായ ശരത്.
