മലയാള സിനിമാ മേഖലയിൽ വൻ ഹിറ്റ് ചിത്രമായ ദൃശ്യത്തിന്റെ മൂന്നാം ഭാഗത്തിന്റെ നിർമാണം പ്രാരംഭഘട്ടത്തിലാണെന്ന് മോഹൻലാൽ. ചിത്രം തുടങ്ങാനിരിക്കുന്ന സാഹചര്യമായതിനാൽ സിനിമയെ കുറിച്ച് കൂടുതലൊന്നും പറയാൻ കഴിയില്ലെന്നും ചിത്രത്തിന് വേണ്ടി തയാറെടുക്കുകയാണെന്നും മോഹൻലാൽ പറഞ്ഞു. പുതിയ ചിത്രം എമ്പുരാന്റെ പ്രമോഷന്റെ ഭാഗമായി നടന്ന അഭിമുഖത്തിലാണ് പ്രതികരണം.
“ദൃശ്യം മൂന്നിന്റെ ആലോചനകളിലാണ്. ചിത്രത്തെ കുറിച്ച് ഇപ്പോൾ കൂടുതലൊന്നും പറയാൻ സാധിക്കില്ല. സിനിമ പ്രാരംഭഘട്ടത്തിലാണ്. ചിത്രത്തിന് വേണ്ടി തയാറെടുത്തുകൊണ്ടിരിക്കുകയാണ്. പക്ഷേ, അത് അത്ര എളുപ്പമല്ല. ദൃശ്യം 3 സംഭവിച്ചു. ദൃശ്യം 3 നിർമിക്കുക എന്നത് ഞങ്ങളെ സംബന്ധിച്ചിടത്തോളം വെല്ലുവിളി നിറഞ്ഞ കാര്യമാണ്”.
ഞങ്ങൾക്ക് പ്രേക്ഷകരെ നിരാശപ്പെടുത്താൻ കഴിയില്ല. അതുകൊണ്ട് തന്നെ വളരെയധികം ശ്രദ്ധിച്ചാണ് തയാറെടുപ്പുകൾ നടത്തുന്നതെന്നും മോഹൻലാൽ പറഞ്ഞു. ജീത്തു ജോസഫ് തിരക്കഥ എഴുതി സംവിധാനം ചെയ്ത ദൃശ്യം 2015-ലാണ് റിലീസ് ചെയ്തത്. പിന്നീട് 2022-ൽ ചിത്രത്തിന്റെ രണ്ടാം ഭാഗം പുറത്തിറങ്ങിയിരുന്നു.
