പർദ ധരിച്ച യുവതി, ഹിന്ദു യുവിനൊപ്പം സ്കൂട്ടറിൽ ഇരുന്നതിൽ സദാചാര പൊലീസിംഗ് നടത്തിയ നാലു യുവാക്കൾ അറസ്റ്റിൽ. മുഹമ്മദ് മൊഹ്സിൻ, മുഹമ്മദ് മൻസൂർ,മുഹമ്മദ് അഫ്രീദി, വസീം ഖാൻ എന്നിവരാണ് പിടിയിലായത്. കർണാടകയിലെ ബെംഗളൂവുരിലെ ചന്ദ്ര ലേഔട്ടിൽ ഒൻപതിനായിരുന്നു സംഭവം.
സ്കൂട്ടറിലിരുന്ന യുവാവിനെയും യുവതിയെയും നാലംഘ സംഘം വളയുകയും ആക്രമിക്കാൻ മുതിരുകയുമായിരുന്നു. നീ എന്തിനാണ് പർദ ധരിച്ച് ഹിന്ദു യുവാവിനൊപ്പം സ്കൂട്ടറിൽ ഇരിക്കുന്നത്? നിനക്ക് നാണമില്ലേ, നിന്റെ കുടുംബത്തിന്റെ അഭിമാനം എന്താകും എന്ന് ചോദിച്ചായിരുന്നു സദാചാര ഗുണ്ടായിസം.
തുടർന്ന് കുടുംബത്തിന്റെ ഫോൺ നമ്പർ ചോദിച്ച് ഇവർ പെൺകുട്ടിയെ ഭീഷണിപ്പെടുത്തി. എന്നാൽ പ്രതിരോധിച്ച യുവതി, ഇത് തന്റെ സഹപാഠിയാണെന്നും എന്തിനാണ് തനിക്കൊക്കെ കുടുംബത്തിന്റെ ഫോൺ നമ്പർ തരണമെന്നും ചോദിച്ചു. ഇതോടെ യുവാവിന് നേരെ തിരിഞ്ഞ സംഘം നീ എന്തിനാണ് അന്യ മതത്തിൽപെട്ട യുവതികളെ കാണാനെത്തുന്നതെന്ന് ആക്രോശിച്ചു. യുവാവിനെ ആക്രമിച്ച സംഘം വീഡിയോ പകർത്തി സമൂഹ മാദ്ധ്യമത്തിൽ പങ്കുവയ്ക്കുകയുമായിരുന്നു. യുവതിയുടെ പരാതിയിൽ പൊലീസ് നാലുപേരെ പിടികൂടുകയായിരുന്നു. ഇത്തരം നടപടികൾ വച്ചു പൊറുപ്പിക്കില്ലെന്ന് മന്ത്രി പ്രിയാങ്ക് ഖർഗെ പറഞ്ഞു.
The #BengalauruPolice arrested four individuals, including a minor, on Friday in connection with a case of moral policing reported under the Chandra Layout police station limits in #Bengaluru.
The accused allegedly confronted a #Muslim woman for speaking with a youth from #Hindu… pic.twitter.com/uoyPgU6jv8
— Hate Detector 🔍 (@HateDetectors) April 11, 2025
