തിരുവനന്തപുരം: പള്ളിപ്പുറത്ത് കെഎസ്ആർടിസി ബസ് ഇടിച്ച് ബൈക്ക് യാത്രികനായ 21 കാരന് ദാരുണാന്ത്യം . പള്ളിപ്പുറം ബിസ്മി മൻസിലിൽ ആഷിക് ആണ് മരിച്ചത്. പുലർച്ചെ ഒരുമാനിക്കായിഒരുന്നു അപകടം.വൺവേ തെറ്റിച്ച് വന്ന കെഎസ്ആർടിസി ബസ് ആഷിക്കിന്റെ ബസിലിടിച്ചാണ് അപകടമുണ്ടായത്.
പള്ളിപ്പുറം മുഴുത്തിരിയാവട്ടത്തുവച്ചായിരുന്നു അപകടം. തിരുവനന്തപുരത്തേക്ക് പോയ കെഎസ്ആർടിസി സൂപ്പർഫാസ്റ്റും ബൈക്കും കൂട്ടിയിടിക്കുകയായിരുന്നു. ദേശീയപാത നിർമ്മാണത്തിന്റെ ഭാഗമായി ഇവിടെ ഗതാഗത നിയന്ത്രണം ഏർപ്പെടുത്തിയിരുന്നു. ഇത് ശ്രദ്ധിക്കാതെ വൺവേയിലൂടെ വന്ന ബസാണ് അപകടത്തിനിടയാക്കിയത്.
അപകടത്തിൽ ഗുരുതരമായി പരിക്കേറ്റ ആഷിക്കിനെ ഉടൻതന്നെ മെഡിക്കൽ കോളേജിലെത്തിച്ചെങ്കിലും മരണപ്പെട്ടിരുന്നു. മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി. പോസ്റ്റ്മാർട്ടത്തിന് ശേഷം ബന്ധുക്കൾക്ക് വിട്ടുനൽകി. സംഭവത്തിൽ മംഗലപുരം പൊലീസ് കേസെടുത്തു.
