ദേവേന്ദ്ര ഫഡ്നാവിസുമായി കൂടിക്കാഴ്ച നടത്തി രോഹിത് ശർമ, ഇന്ത്യൻ നായകൻ രാഷ്‌ട്രീയത്തിലേക്കെന്ന് ചർച്ചകൾ

ഇന്ത്യൻ ക്രിക്കറ്റ് ടീം ഏകദിന നായകൻ രോഹിത് ശർമ മഹാരാഷ്‌ട്ര മുഖ്യമന്ത്രി ദേവേന്ദ്ര ഫഡ്നാവിസുമായി കൂടിക്കാഴ്ച നടത്തി. ടെസ്റ്റിൽ നിന്ന് വിരമിക്കൽ പ്രഖ്യാപിച്ചതിന് പിന്നാലെയാണ് താരം ഔദ്യോ​ഗിക വസതിയായ വർഷയിലെത്തി മുഖ്യമന്ത്രിയെ കണ്ടത്. വർഷങ്ങൾ നീണ്ട ടെസ്റ്റി കരിയറിനൊടുവിൽ വിരമിച്ച താരത്തിന് ആശംസകൾ അറിയിക്കാനാണ് മുഖ്യമന്ത്രി വിളിച്ചതെന്നാണ് സൂചന. ക്രിക്കറ്റിൽ രാജ്യത്തിനായി സ്വന്തമാക്കിയ നേട്ടങ്ങളെയും പ്രത്യേകിച്ച് റെഡ്ബോൾ ക്രിക്കറ്റിന് അദ്ദേഹം നൽകിയ സംഭാവനകളെയും മുഖ്യമന്ത്രി ഫഡ്നാവിസ് അഭിനന്ദിച്ചു.

രോഹിത് ശർമയുമായി നടത്തിയ കൂടിക്കാഴ്ചയുടെ ചിത്രങ്ങൾ സോഷ്യൽ മീഡിയയിൽ അദ്ദേഹം പങ്കുവച്ചിട്ടുണ്ട്. അദ്ദേഹത്തിന്റെ യാത്രയിലെ അടുത്ത അദ്ധ്യായത്തിന് എല്ലാവിധ ആശംസകളും നേരുന്നതായും മുഖ്യമന്ത്രി എക്സ് പോസ്റ്റിൽ കുറിച്ചിട്ടുണ്ട്.14 വർഷം നീണ്ട ടെസ്റ്റ് കരിയറിനാണ് 38-കാരനായ രോ​ഹിത് വിരാമമിട്ടത്. മധ്യനിര ബാറ്ററിൽ നിന്ന് പിന്നീട് ഇന്ത്യയുടെ വിശ്വസ്തനായ ഓപ്പണറാവുകയായിരുന്നു. അതേസമയം രോഹിത് രാഷട്രീയത്തിലേക്ക് പ്രവേശിക്കുമെന്ന ചില അഭ്യൂഹങ്ങളും സോഷ്യൽ മീഡിയയിൽ പരന്നു.

It was great to welcome, meet and interact with Indian cricketer Rohit Sharma at my official residence Varsha. I extended my best wishes to him on his retirement from Test cricket and for continued success in the next chapter of his journey!@ImRo45#Maharashtra #Mumbai… pic.twitter.com/G0pdzj6gQy

— Devendra Fadnavis (@Dev_Fadnavis) May 13, 2025