കോഴിക്കോട്: കായക്കൊടി എള്ളിക്കാംപാറയിൽ ഭൂചലനം. എളളിക്കാംപാറ, പുന്നത്തോട്ടം, കരിമ്പാലക്കണ്ടി, പാലോളി തുടങ്ങി ഒന്നര കിലോമീറ്റർ ചുറ്റളവിലാണ് ഭൂചലനം അനുഭവപ്പെട്ടത്.
ശനിയാഴ്ച രാത്രി 7.30 ഓടെ പ്രത്യേക ശബ്ദം കേട്ടെന്നും ചലനം അനുഭവപ്പെട്ടന്നും പ്രദേശവാസികൾ പറഞ്ഞു. സെക്കൻഡുകൾ മാത്രമാണ് ചലനം തുടർന്നത്. എന്നാൽ ഉയരത്തിൽ സൂക്ഷിച്ചിരുന്ന സാധങ്ങൾ താഴെ വീഴാൻ തുടങ്ങിയതോടെ ആളുകൾ വീടുവിട്ട് പുറത്തേക്കിറങ്ങി. ആളപായമോ നാശനഷ്ടങ്ങളോ റിപ്പോർട്ട് ചെയ്തിട്ടില്ല.
വെള്ളിയാഴ്ച രാത്രിയും ഇതേ സമയത്ത് ഭൂചനം അനുഭവപ്പെട്ടിരുന്നതായി പ്രദേശവാസികൾ പറയുന്നു. രണ്ടാം ദിവസവും ഇത് ആവർത്തിച്ചതോടെ നാട്ടുകാർ ആശങ്കയിലാണ്. വിദഗ്ധ സംഘം ഇന്ന് പ്രദേശം സന്ദർശിക്കുമെന്ന് ജില്ലാ കളക്ടർ അറിയിച്ചു.
