ബെംഗളൂരു: ഓടിക്കൊണ്ടിരുന്ന കാറിന്റെ സൺറൂഫിൽ കയറിനിന്ന് ചുംബിച്ച് ദമ്പതികൾ. കർണാടകയിലെ ബെംഗളുരുവിലാണ് സംഭവം. ബെംഗളൂരുവിലെ ട്രിനിറ്റി റോഡിലൂടെ രാത്രി കാറിൽ യാത്ര ചെയ്ത ദമ്പതികളുടെ വീഡിയോയാണ് സോഷ്യൽ മീഡിയയിൽ പ്രചരിക്കുന്നത്.
വഴിയാത്രക്കാരനാണ് ദമ്പതികൾ അനുചിതമായി പെരുമാറുന്നത് ശ്രദ്ധയിൽപ്പെട്ടയുടെനെ വീഡിയോയെടുത്ത് സോഷ്യൽ മീഡിയയിൽ പോസ്റ്റ് ചെയ്തത്. കർണാടക രജിസ്ട്രേഷൻ നമ്പർ ഉള്ള ഓടുന്ന കാറിൽ ദമ്പതികൾ അനുചിതമായി പെരുമാറുന്നത് വീഡിയോയിൽ കാണാം. X ഉപയോക്താക്കളിൽ ഒരാൾ ബെംഗളൂരു പൊലീസിനെ ടാഗ് ചെയ്ത് ദമ്പതികൾക്കെതിരെ കർശന നടപടിയെടുക്കണമെന്ന് ആവശ്യപ്പെട്ടു.
Sunroof Shenanigans: Public Road Becomes Private Bedroom for Bengaluru Couple
What is truly happening to people these days? In yet another bizarre and concerning incident, a young couple was caught on camera engaging in highly inappropriate behavior through the sunroof of a… pic.twitter.com/p8bt7r1WX7
— Karnataka Portfolio (@karnatakaportf) May 27, 2025
വീഡിയോ വൈറലായതോടെ സംഭവം വ്യാപകമായ വിമർശനത്തിന് ഇടയാക്കി. വീഡിയോ ക്ലിപ്പിന്റെ അടിസ്ഥാനത്തിൽ പൊലീസ് ഉടൻ തന്നെ നടപടി സ്വീകരിച്ചു. ചൊവ്വാഴ്ച പൊലീസ് വാഹനം കണ്ടെത്തി. കമ്മനഹള്ളി സ്വദേശിയുടെ പേരിലാണ് വാഹനം രജിസ്റ്റർ ചെയ്തിരിക്കുന്നത്. ദമ്പതികളെ പൊലീസ് സ്റ്റേഷനിലേക്ക് വിളിപ്പിച്ചു. എസ്യുവി ഉടമയ്ക്ക് 1,500 രൂപ പിഴ ചുമത്തുകയും ചെയ്തു. അപകടകരമായ ഡ്രൈവിംഗിന് 1,000 രൂപയും ഗതാഗത തടസം സൃഷ്ടിച്ചതിന് 500 രൂപയുമാണ് പിഴ ചുമത്തിയത്.
