പാലക്കാട് : അട്ടപ്പാടിയിൽ കഴിഞ്ഞ ദിവസം മർദനമേറ്റ വനവാസി യുവാവിനെതിരെയും കേസെടുത്ത് അഗളി പൊലീസ്. വാഹനത്തിന്റെ ചില്ലറിഞ്ഞ് പൊട്ടിച്ചതിനും അസഭ്യം പറഞ്ഞതിനും ഉൾപ്പെടെയാണ് അഗളി പൊലീസ് വനവാസി യിവാവിനെതിരെയും കേസ് രജിസ്റ്റർ ചെയ്തത്
ആദിവാസി യുവാവിനെ കെട്ടിയിട്ട് മർദിച്ച രണ്ടു പ്രതികൾ കഴിഞ്ഞ ദിവസം പിടിയിലായിരുന്നു. അഗളി ചിറ്റൂർ ആദിവാസി ഉന്നതിയിലെ 19 വയസുകാരനായ സിജുവിനാണ് മർദനമേറ്റത്. വാഹനത്തിന് മുന്നിൽ ചാടിയെന്നാരോപിച്ചായിരുന്നു മർദനം. ഈ മാസം 24-നാണ് സംഭവം നടന്നത്. വസ്ത്രങ്ങൾ ഉൾപ്പടെ ഊരിമാറ്റി കെട്ടിയിട്ട് തല്ലുകയായിരുന്നു എന്നാണ് ആരോപണം. ഇയാളെ കെട്ടിയിട്ട് വലിച്ച്കൊണ്ട് പോകുന്ന ദൃശ്യങ്ങളും പുറത്ത് വന്നിരുന്നു.സിജുവിന്റെ മുഖത്തും കൈക്കും പുറത്തുമുൾപ്പടെ പരിക്കേറ്റിട്ടുണ്ട്. സിജു കോട്ടത്തറ ട്രൈബൽ സ്പെഷ്യാലിറ്റി ആശുപത്രിയിൽ ചികിത്സയിലാണ്. യുവാവ് മദ്യപിച്ച് മനപ്പൂർവം പ്രശ്നമുണ്ടാക്കിയെന്നാണ് വാഹനത്തിലുള്ളവരുടെ ആരോപണം .
