സിനിമാ ചിത്രീകരണത്തിനിടെ കാർ കീഴ്മേൽ മറിഞ്ഞു; സ്റ്റണ്ട്മാന് ദാരുണാന്ത്യം, നടക്കുന്ന വീഡിയോ കാണാം

സിനിമ ചിത്രീകരണത്തിനിടെയുണ്ടായ അപകടത്തിൽ സ്റ്റണ്ട്മാന് ​ദാരുണാന്ത്യം. രാജു എന്ന മോഹൻരാജ് ആണ് മരിച്ചത്. അതിസാഹസികമായ കാർ സ്റ്റണ്ട് രം​ഗം ചിത്രീകരിക്കുന്നതിനിടെയാണ് അപകടമുണ്ടായത്. സംവിധായകൻ പാ. രഞ്ജിത്തും നടൻ ആര്യയും ഒന്നിക്കുന്ന ‘വേട്ടുവ’ സിനിമയുടെ ലൊക്കേഷനിലാണ് സംഭവം.

തമിഴ്നാട്ടിലെ നാഗപട്ടണത്ത് ഞായറാഴ്ചയാണ് അപകടം. ആദ്യം ഹൃ​ദയാഘാതം മൂലമാണ് മരണം എന്നായിരുന്നു റിപ്പോർട്ട്. എന്നാൽ അപകടത്തിന്റെ ​ദൃശ്യങ്ങൾ പുറത്തുവന്നിട്ടുണ്ട്. മോഹൻരാജ് ഓടിച്ചിരുന്ന ഒരു എസ്‌യുവി റാമ്പിലൂടെ കുതിക്കുന്നതും താഴേക്ക് വീഴുന്നതും വീഡിയോയിൽ കാണം. വലിയ ശബ്ദത്തോടെയാണ് കാർ കീഴ്മേൽ മറിഞ്ഞ് മുൻഭാ​ഗം കുത്തി താഴേക്ക് വീഴുകയായിരുന്നു. അപകടത്തിന് പിന്നാലെ എല്ലാവരും കാറിനടുത്തേക്ക് ഓടി ചെല്ലുന്നതും കാണാം.

Tragic accident on Kollywood set 💔

Popular stunt master Raju lost his life while performing a high-risk car stunt during the shoot of director Pa. Ranjith’s film starring Arya.

He died on the spot. RIP 🙏 #Kollywood #StuntMasterRaju #RIP pic.twitter.com/5KbHPbPQoT

— Tirish Reddy (@tirishreddy) July 14, 2025

മോഹൻരാജിന്റെ മരണത്തിൽ നടൻ വിശാൽ അനുശോചനം അറിയിച്ചിട്ടുണ്ട്. മോഹൻരാജ് ധൈര്യശാലിയായിരുന്നുവെന്നും തന്റെ ചിത്രങ്ങളിൽ സാഹസികരംഗങ്ങൾ ചെയ്ത ആളാണെന്നും വിശാൽ അനുസ്മരിച്ചു.
എന്നാൽ  ആര്യയോ പാ. രഞ്ജിത്തോ അപകടത്തെക്കുറിച്ച് പ്രതികരിച്ചിട്ടില്ല. ഇതുവരെ ഔദ്യോഗിക പ്രസ്താവനകളും പുറത്തിറക്കിയിട്ടില്ല.