മുംബൈ: ബോംബെ കേരളീയ സമാജത്തിന്റെ ഓണാഘോഷം 2025 സെപ്തംബർ 14-ന് നടക്കും. ഞായർ രാവിലെ 9-30 മുതൽ മുംബൈ സയൺ – മാട്ടുംഗ റോഡിൽ ഗാന്ധി മാർക്കറ്റിന് എതിർവശമുള്ള മാനവ സേവാ സംഘ് ഹാളിലാണ് പരിപാടി നടക്കുന്നത്.
മഹാരാഷ്‌ട്ര തുറമുഖ ഫിഷറീസ് മന്ത്രി ശ്രീ. നിതേഷ് നാരായൺ റാണെ മുഖ്യാതിഥിയാവുന്ന ഉദ്ഘാടന പരിപാടിയിൽ സമാജം പ്രസിഡന്റ് ഡോ: എസ്. രാജശേഖരൻ നായർ അദ്ധ്യക്ഷത വഹിക്കും. സമാജം പ്രസിദ്ധീകരണമായ വിശലകേരളത്തിന്റെ ഓണപ്പതിപ്പ് പ്രകാശനവും നടക്കും.
സമാജം കലാകാരന്മാരും ഗായികാ ഗായകന്മാരും അവതരിപ്പിക്കുന്ന വിവിധ പരിപാടികൾക്ക് പുറമേ പൻവൽ നൃത്യാർപ്പണയുടെ വിവിധ നൃത്ത ദൃശ്യങ്ങളും അരങ്ങേറും. തുടർന്ന് സാംസ്കാരിക സമ്മേളനം , വിവിധ കലാപരിപാടികൾ, ഓണസദ്യ എന്നിവ ഉണ്ടായിരിക്കും. കൂപ്പൺ മുഖാന്തരമായിരിക്കും പ്രവേശനം.
