മനില: ദ്വീപ് രാഷ്ട്രമായ ഫിലിപ്പീൻസിൽ ശക്തമായ ഭൂകമ്പം. റിക്ടർ സ്കെയിലിൽ 7.6 രേഖപ്പെടുത്തി. ദ്വീപ് രാഷ്ട്രമായ ഫിലിപ്പീൻസിൽ ഇന്ന് രാവിലെ പ്രാദേശിക സമയം 9:43 ന് മിൻഡാനാവോ ദ്വീപിലാണ് ശക്തമായ ഭൂകമ്പം ഉണ്ടായത്. മിൻഡാനാവോയിലെ മെനെ പട്ടണത്തിന് സമീപം 10 കിലോമീറ്റർ താഴ്ചയിലാണ് ഭൂകമ്പത്തിന്റെ പ്രഭവ കേന്ദ്രം.
പ്രഭവകേന്ദ്രത്തിനടുത്തുള്ള ഏറ്റവും വലിയ നഗരവുമായ ഡാവോ നഗരത്തിലെ ജനങ്ങളെ ഒഴിപ്പിച്ചു കൊണ്ടിരിക്കുകയാണ്.
റിക്ടർ സ്കെയിലിൽ 7.6 തീവ്രത രേഖപ്പെടുത്തിയ ഭൂകമ്പത്തിൽ കെട്ടിടങ്ങൾ കുലുങ്ങി. ഇതേത്തുടർന്ന് പരിഭ്രാന്തരായ ആളുകൾ നിലവിളിച്ചുകൊണ്ട് തെരുവുകളിലേക്ക് ഓടിയതായി റിപോർട്ടുണ്ട് . ഭൂകമ്പത്തെ തുടർന്ന് സുനാമി മുന്നറിയിപ്പും പുറപ്പെടുവിച്ചിട്ടുണ്ട്. ഭൂകമ്പത്തിൽ ആളപായമുണ്ടായതിനെക്കുറിച്ച് ഇതുവരെ വിവരങ്ങളൊന്നുമില്ല.
