തിരുവനന്തപുരം: വിഴിഞ്ഞത്ത് സൗത്ത് ഇന്ത്യൻ ബാങ്കിന് നേരെ വ്യാജ ബോംബ് ഭീഷണി. ഇമെയിൽ വഴിയാണ് സന്ദേശം എത്തിയത്. സന്ദേശം കണ്ടതോടെ ജീവനക്കാർ പൊലീസിനെ വിവരമറിയിച്ചു. ഡോഗ് സ്ക്വാഡും ബോംബ് സ്ക്വാഡും സ്ഥലത്തെത്തി പരിശോധന നടത്തി. എന്നാൽ സംശയാസ്പദമായി യാതൊന്നും കണ്ടെത്താനായില്ല.
മണിക്കൂറുകൾ നീണ്ട പരിശോധനയ്ക്ക് ശേഷം ഭീഷണി വ്യാജമാണെന്ന് സ്ഥിരീകരിച്ചിട്ടുണ്ട്. ഉടൻ ബോംബ് പൊട്ടുമെന്നും ജീവനക്കാർ സ്ഥലത്ത് നിന്ന് മാറണമെന്നും സന്ദേശത്തിൽ പറഞ്ഞിരുന്നു. ഇത് കണ്ടതും ജീവനക്കാർ ഇറങ്ങിയോടി. എൽ.ടി.ടി പരാമർശവും തമിഴ്നാട് രാഷ്ട്രീയവും കത്തിലുണ്ട്. പരസ്പരബന്ധമില്ലാത്ത കാര്യങ്ങളാണ് കത്തിൽ പറയുന്നതെന്നാണ് ജീവനക്കാർ പറയുന്നത്.
