വിവാഹത്തിന് പെൺകുട്ടികൾ ഏറ്റവും പണം ചെലവാക്കുന്നതും സമയം കളയുന്നതും മേക്കപ്പിനും മെഹന്തി ഇടുന്നതിനുമാണ്. ആഗ്രഹിക്കുന്ന ഡിസൈനുകളിൽ മെഹന്തി ഇട്ടുതരുന്ന ആളുകളെ കണ്ടുപിടിക്കുന്നതാണ് ഏറ്റവും വലിയ ടാസ്ക്. ആവശ്യപ്പെടുന്ന തരത്തിൽ നമുക്ക് മെഹന്തി ഇടാം. പങ്കാളിയുടെ ഇഷ്ടപ്പെട്ട വസ്ത്രം, ഭക്ഷണം, ആഗ്രഹം, ആദ്യത്തെ കൂടിക്കാഴ്ച, യാത്ര ചെയ്ത സ്ഥലങ്ങൾ എന്നിവ ഉൾപ്പെടുത്തിയും പലരും മെഹന്തി ഇടാറുണ്ട്.
പ്രണയിച്ച് വിവാഹം കഴിക്കുന്നവരാണെങ്കിൽ അവരുടെ ആനന്ദകരമായ നിമിഷങ്ങളെ അടയാളപ്പെടുത്തുന്ന തരത്തിൽ മെഹന്തി ഇടാറുണ്ട്. വ്യത്യസ്തമായ ഡിസൈനുകളാണ് മെഹന്തിയുടെ ഭംഗി കൂട്ടുന്നത്. അതിന് പലതരം ഡിസൈനുകളുണ്ട് അവ ഏതൊക്കെയെന്ന് നോക്കാം
മണ്ഡല സ്റ്റൈൽ മെഹന്തി- വളരെ ലളിതവും മനോഹരവുമായ ഒന്നാണ് മണ്ഡല സ്റ്റൈൽ. വൃത്താകൃതിയിലാണ് ഇവ ഡിസൈൻ ചെയ്യുന്നത്. സിംപിൾ സ്റ്റൈൽ ആഗ്രഹിക്കുന്നവർക്ക് മികച്ച ഓപ്ഷനാണ് ഈ ഡിസൈൻ.
ലോട്ടസ് റോയൽ ഡിസൈൻ – എവിടെയെങ്കിലും താമരയുടെ രൂപം വരയ്‌ക്കുന്നതാണ് ലോട്ടസ് റോയൽ എന്ന് പറയുന്നത്. വളരെ വ്യത്യസ്തത നിറഞ്ഞതാണ് ലോട്ടസ് റോയൽ ഡിസൈൻ. താമരയുടെ പാറ്റേണാണ് ഇതിന്റെ സവിശേഷത.
സിംപിൾ റോയൽ ഫ്രണ്ട് ഹാൻഡ് മെഹന്തി -രാജകീയ ചാരുത അടയാളപ്പെടുത്തുന്നവയാണ് ഈ ഡിസൈൻ. കുറച്ചധികം സമയമെടുക്ക് ക്ഷമയോടുകൂടിയാണ് ഈ ഡിസൈനിടുന്നത്.
ഫ്ലോറൽ റോയൽ – പൂക്കളുടെ പാറ്റേണുകൾ ഇഷ്ടമുള്ളവർക്ക് ഈ ഡിസൈൻ ഏറെ ഇഷ്ടപ്പെടും. പൂക്കളും ഇലകളും ചേർത്താണ് ഫ്ലോറൽ റോയൽ ഡിസൈൻ ചെയ്യുന്നത്.
പീകോക്ക് പാറ്റേൺ- മെഹന്തി പ്രേമികൾക്കിടയിൽ ജനപ്രിയമേറിയ ഡിസൈനാണ് മയിൽ പാറ്റേൺ. കൈകളിൽ മയിലിന്റെ രൂപം ഡിസൈൻ ചെയ്യുന്നതാണിത്.
അറബിക് റോയൽ – വളരെ ആഢംബരം തോന്നിക്കുന്ന ഡിസൈനാണ് അറബിക് റോയൽ. ഇത് കൈകളുടെ ഭംഗി വർദ്ധിപ്പിക്കുന്നു. ബോർഡറുകളും ചെയിൻ ഡിസൈനുകളും ഇതിൽ ഉൾപ്പെടുന്നു. കയ്യിൽ കുറുകനെയായിരിക്കും അറബിക് റോയൽ ഡിസൈനിൽ മെഹന്തി ഇടുക.
