തിരുവനന്തപുരം: കോൺഗ്രസും യുഡിഎഫും മുസ്ലീം ലീഗിന്റെ അടിമകളാണെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. ലീഗ് പറയുന്നതനനുസരിച്ച് അവർ ചാടികളിക്കുകയാണെന്നും ആര് നേതാവകമണമെന്ന് ലീഗാണ് തീരുമാനിക്കുന്നതെന്നും അദ്ദേഹം പറഞ്ഞു.
മുസ്ലീം ലീഗിന്റെ ഏകാധിപത്യത്തെയും വർഗീയ നിലപാടുകളെയും ചോദ്യം ചെയ്തതിന്റെ പേരില്ഡ തന്നെ വർഗീയവാദിയാക്കി വേട്ടയാടുകയാണ്. അതിനെ ചങ്കുറപ്പോടെ തന്നെ നേരിടും. മുസ്ലീം ലീഗിന്റെ ഏകപക്ഷീയമായ നയങ്ങളെയാണ് എതിർത്തത്. ലീഗിനെ പോലെ മതേതരത്വം തകർക്കുന്ന പാർട്ടി വെറെയില്ല. മതേതരത്വം പറയുന്ന ലീഗ് ഉമ്മൻചാണ്ടിയുടെ കാലത്ത് ജനാധിപത്യത്തെ കശാപ്പുചെയ്തുവെന്നും വെള്ളാപ്പള്ളി നടേശൻ പറഞ്ഞു.
