കോഴിക്കോട്: മന്ത്രി മുഹമ്മദ് റിയാസ് എൻഎച്ച് 66 ൽ റോഡ് ഷോ നടത്തിയ വാഹനത്തിന് ഫിറ്റ്നസ് സർട്ടിഫിക്കറ്റ് ഇല്ലാത്തതിൽ പരാതി നൽകി ബിജെപി. വാഹനം പിടിച്ചെടുക്കണം എന്നും വിഷയത്തിൽ നടപടി സ്വീകരിക്കണമെന്നും ആവശ്യപ്പെട്ടാണ് ബിജെപി പരാതി നൽകിയത്. ആർ. ടി. ഒ എൻഫോഴ്സ്മെന്റിനാണ് പരാതി നൽകിയത്. കഴിഞ്ഞദിവസമാണ് വെങ്ങളം – രാമനാട്ടുകര റീച്ചിൽ മന്ത്രിയുടെ നേതൃത്വത്തിൽ റോഡ് ഷോ നടത്തിയത്.
സാധുവായ ഫിറ്റ്നസ് സ‍ർട്ടിഫിക്കറ്റിലാതെ വാഹനം ഓടിക്കുന്നത് ശിക്ഷാ‍ർഹമായ കുറ്റകൃത്യമാണെന്ന് ബോധ്യമുള്ള പൊതുമരാമത്ത് മന്ത്രി യാതൊരു സുരക്ഷയും ഇല്ലാതെ യാത്ര ചെയ്തത് പൊതു സമൂഹത്തോടുള്ള വെല്ലുവിളിയും നിയമലംഘനവുമാണ്. അതിനാൽ വാഹനം ഉടൻ കസ്റ്റഡിയിലെടുക്കമെന്നും മന്ത്രിയടക്കമുള്ളവ‍ർക്കെതിരെ കേസെടുക്കണമെന്നും ബിജെപി കോഴിക്കോട് സിറ്റി ജില്ലാ അദ്ധ്യക്ഷൻ അഡ്വ. കെ. പി പ്രകാശ് ബാബു നൽകിയ പരാതിയിൽ പറഞ്ഞു.
