കഴക്കൂട്ടം മണ്ഡലം BJP – NDA സ്ഥാനാർത്ഥി വി.മുരളീധരന്റെ തിരഞ്ഞെടുപ്പ് കൺവെൻഷൻ മുൻ കേന്ദ്രമന്ത്രി സ്മൃതി ഇറാനി ഉദ്ഘാടനം ചെയ്യും. നാളെ (28/03/26) വൈകിട്ട് 5 മണിക്ക് ഉള്ളൂർ ജംഗ്ഷനിൽ നടക്കുന്ന കൺവെൻഷനിലാണ് സ്മൃതി ഇറാനി എത്തുക.
ബിജെപിയുടെയും BDJSന്റെയും മറ്റു സഖ്യകക്ഷികളുടെയും ജില്ലാ – സംസ്ഥാന നേതാക്കളും കൺവെൻഷനിൽ പങ്കെടുക്കും.
ബിജെപിയുടെ ശക്തി കേന്ദ്രമായ മണ്ഡലത്തിൽ പ്രചാരണം വേനൽച്ചൂടിനെ തോൽപിക്കും വിധത്തിൽ കത്തി കയറുകയാണ്. പൊതുജനസമ്പർക്കം, പദയാത്രകൾ, കുടുംബയോഗങ്ങൾ എന്നിങ്ങനെ വിവിധ പരിപാടികളിലൂടെ മണ്ഡലം നിറയുകയാണ് വി.മുരളീധരൻ.
മണ്ഡലത്തിലെ BJP – NDA കേന്ദ്ര തെരഞ്ഞെടുപ്പ് കമ്മിറ്റി കാര്യാലയം ഉദ്ഘാടനവും ഇന്ന് (27/03/26) നടന്നു. ഉള്ളൂർ ജംഗ്ഷനിൽ ആധുനിക സൗകര്യങ്ങളോടെ തുടങ്ങിയ തെരഞ്ഞെടുപ്പ് കാര്യാലയത്തിന്റെ ഉദ്ഘാടനം ഭദ്രദീപം തെളിയിച്ച് വി.മുരളീധരൻ നിർവഹിച്ചു
എൽജെപി സംസ്ഥാന നേതാവ് അരുൺ വേലായുധൻ, തിരുവനന്തപുരം നഗരസഭ വിദ്യാഭ്യാസ ആരോഗ്യ സ്റ്റാൻഡിങ് കമ്മിറ്റി ചെയർമാനും ബിജെപി മേഖല വൈസ് പ്രസിഡൻറുമായ ചെമ്പഴന്തി ഉദയൻ, ബിജെപി ജില്ലാ വൈസ് പ്രസിഡൻറുമാരായ ശ്രീവരാഹം വിജയൻ, പോങ്ങുംമൂട് വിക്രമൻ, അഡ്വ.ആർ.എസ് രാജീവ്, ഉള്ളൂർ, കഴക്കൂട്ടം എന്നീ മണ്ഡലങ്ങളുടെ പ്രസിഡന്റുമാരായ ദിവ്യ, സുനിൽ തുടങ്ങിയവർ പങ്കെടുത്തു.
