കണ്ണൂർ: സിപിഎം വേട്ടയാടൽ തുടരുന്നു എന്ന് പയ്യന്നൂർ നഗരസഭയിൽ വിമതനായി ജയിച്ച സി. വൈശാഖ്. അങ്കണവാടി ജീവനക്കാരിയായ അമ്മയെ സിപിഎം സ്ഥലം മാറ്റാൻ ശ്രമിക്കുകയാണെന്നും അമ്മയ്ക്കെതിരെ മുമ്പേങ്ങും ഇല്ലാത്ത വിധം തുടരെ പരാതി നൽകുകയാണെന്നും വൈശാഖിനറെ ഫേസ്ബുക്ക് പോസ്റ്റിൽ പറയുന്നു.
അങ്കണവാടിയിലെ കുട്ടികൾക്ക് ഒരു ക്ലബ് ബിരിയാണി നൽകിയതിനും, ഇഫ്താർ വിരുന്ന് സംഘടിപ്പിച്ചതിനും പരാതി നൽകി. അമ്മ പാർട്ടി അനുഭാവിയാണെന്നും ഇപ്പോഴും ഇടത് അനുകൂല യൂണിയന്റെ ഭാഗമാണെന്നും വൈശാഖ് ഫേസ്ബുക്കിൽ കുറിച്ചു.
ചിലപ്പോൾ അധികം വൈകാതെ അമ്മയെ മറ്റൊരിടത്തേക്ക് ട്രാൻസ്ഫർ ചെയ്യുന്നതോ, ജോലിയിൽ നിന്ന് പിരിച്ചു വിടുന്നതോ കാണാം. എന്നെ വേട്ടയാടുന്നത് മനസ്സിലാക്കാം, എന്റെ പേരിൽ അമ്മയെ വേട്ടയാടുന്നത് എന്തിന്? ഈ പാർട്ടിയെ ചിലർ എവിടെക്കാണ് കൊണ്ട് പോകുന്നത് എന്നും സി.വൈശാഖ് ചോദിക്കുന്നു.
