തിരുവനന്തപുരം: പ്രതിപക്ഷ നേതാവ് പിണറായി വിജയൻ ഇനി വിശ്രമിക്കുകയാണ് ഉചിതമെന്ന് ഡോ ടി.എം തോമസ് ഐസക്കിന്റെ അഡീഷണൽ പ്രൈവറ്റ് സെക്രട്ടറിയായിരുന്ന ഗോപകുമാർ മുകുന്ദൻ. ഭാവിയിലും ഇടതുപക്ഷം നിലനിൽക്കാൻ പിണറായി സ്ഥാനം ഒഴിയുന്നതാണ് ഉചിതമെന്നും പിണറായി വിശ്രമിക്കട്ടെ എന്നുമാണ് ഗോപകുമാർ ഫേസ് ബുക്കിൽ കുറിച്ചത്.
‘ഇന്ന് സഖാവ് പിണറായി വിജയൻ ഏതോ ഒരു യോഗത്തിൽ പ്രസംഗിക്കാൻ വരുന്ന വിഷ്വൽസ് കണ്ടു. ഇടുങ്ങിയ പോഡിയത്തിന്റെ പ്രയാസം പറയുകയാണ് പിണറായി .
വാസ്തവമാണ്. അടി പിന്നോട്ട് വച്ചാൽ വീഴും. ഈ സ്ഥിതി ഒഴിവാക്കി സഖാവ് പിണറായി വിജയൻ വിശ്രമിക്കുകയല്ലേ വേണ്ടത്. നമ്മുടെ കാല ശേഷവും ഇടതു പക്ഷം വേണമല്ലോ?.
വിശ്രമിക്കു പ്രിയ സഖാവേ’ എന്നായിരുന്നു ഗോപകുമാർ മുകുന്ദന്റെ ഫേസ്ബുക്ക് പോസ്റ്റ്.
ജില്ല സെക്രട്ടറിയേറ്റിലും ജില്ലാ കമ്മറ്റികളിലും ഈ ആവശ്യം ഉയർന്നിരുന്നെങ്കിലും ഒരു ഇടത് സഹയാത്രികൻ പരസ്യമായി ഈ ആവശ്യം ഉന്നയിക്കപ്പെടുന്നത് ആദ്യമാണ്. തോമസ് ഐസക്ക് അടക്കമുള്ള നേതാക്കളുടെ അറിവോടെയാകാം ഈ പോസ്റ്റ് എന്നാണ് വിലയിരുത്തപ്പെടുന്നത്. കെ.ജെ ജേക്കബ് അടക്കം നിരവധി ഇടത് സഹയാത്രികർ ഈ പോസ്റ്റിനെ പിന്തുണച്ചിട്ടുമുണ്ട്.
