ആലപ്പുഴ : ഷുഹൈബ് കൊലപാതക കേസിലെ പ്രതി ആകാശ തില്ലെങ്കേരിക്ക് വധഭീഷണി. യൂത്ത് കോൺഗ്രസ് ആലപ്പുഴ ജില്ലാ സെക്രട്ടറി ആകാശ് തഴയശ്ശേരിൽ ആണ് ഫേസ്ബുക്ക് വഴി വധ ഭീഷണി മുഴക്കിയത്. ശുഹൈബിന്റെ രക്തത്തിന്, ആ ജീവൻ എടുത്തവന്റെ രക്തം കൊണ്ട് തന്നെ മറുപടി പറയും എന്ന തലക്കെട്ടിൽ പോസ്റ്റ് ചെയ്തിരിക്കുന്ന ഫേസ്ബുക്ക് പോസ്റ്റിൽ ഷുഹൈബിന്റെ വീട്ടുകാരുടെ വേദന എന്താണെന്ന് അവനും മനസ്സിലാക്കണം. എന്നും ആവശ്യപ്പെടുന്നു. ആകാശ് തില്ലെങ്കേരിക്ക് സ്വർണ്ണം പൊട്ടിക്കലാണ് തൊഴിലെന്നും അതിനു കൂട്ടായി അവനോടൊപ്പം കായംകുളത്തെ ചില അഭിനവ കോൺഗ്രസ് പാർട്ടി പ്രവർത്തകരും ഉണ്ടെന്നും ആകാശ് തഴയശ്ശേരിൽ ആരോപിക്കുന്നു.
ആകാശ് തില്ലെങ്കേരിയെ അനുകൂലിക്കുന്ന കായംകുളത്തെ അഭിനവ കോൺഗ്രസ് പാർട്ടി പ്രവർത്തകരെ എല്ലാവരെയും തെരുവിൽ കൈകാര്യം ചെയ്യണം എന്നും യൂത്ത് കോൺഗ്രസ് ആലപ്പുഴ ജില്ലാ സെക്രട്ടറി അണികളോട് ആഹ്വാനം ചെയ്യുന്നു.
“ജയിലിൽ സുഖവാസത്തിനു നിന്നെ അയക്കില്ല, കേസിലെ അവസാന വിധി എന്ത് തന്നെ ആണെങ്കിലും കേരളത്തിലെ ഓരോ യൂത്ത് കോൺഗ്രസ് പ്രവർത്തകനും നിനക്ക് വിധിച്ച ശിക്ഷ മരണം ആയിരിക്കും കട്ടായം”, എന്ന് വധഭീഷണി മുഴക്കിക്കൊണ്ടാണ് ആകാശ് തഴയശ്ശേരിൽ ഫേസ്ബുക്ക് പോസ്റ്റ് അവസാനിപ്പിക്കുന്നത്
യൂത്ത് കോൺഗ്രസ് ആലപ്പുഴ ജില്ലാ സെക്രട്ടറി ആകാശ് താഴശ്ശേരിലിന്റെ ഫേസ്ബുക്ക് പോസ്റ്റ് പൂർണ്ണരൂപം.
ശുഹൈബിന്റെ രക്തത്തിന്, ആ ജീവൻ എടുത്തവന്റെ രക്തം കൊണ്ട് തന്നെ മറുപടി പറയും✊
ആകാശ് തില്ലെങ്കേരിയേ കഴിഞ്ഞ ദിവസം ഷുഹൈബ് കൊലപാതക കേസുമായി ബന്ധപ്പെട്ടു സെഷൻസ് കോടതി ജാമ്യം റദ്ധാക്കി റിമാൻഡ് ചെയ്തു. അവനെ ജയിലിലേക്ക് അയച്ചു സുഖവാസം നൽകാതെ തെരുവിൽ അവനെ കൈകാര്യം ചെയ്യണം. ശുഹൈബിന് നഷ്ടമായ ജീവിതം, അവനിൽ നിന്ന് എടുക്കണം. ശുഹൈബിനെ എങ്ങനെ ആണോ ഈ നായ ഇഞ്ചിഞ്ചായി ജീവനെടുത്തത് അത് പോലെ അവന്റെയും എടുക്കണം. മനുഷ്യ ശരീരത്തിൽ കത്തി കേറ്റിയാൽ ഉണ്ടാവുന്ന വേദന അവനും അറിയണം
. ഇത്രെയും ഭീകരമായ കൊലപാതകം ചെയ്തിട്ട് സുഹൃത്തുക്കുളുമായ് ഉല്ലാസ യാത്ര നടത്തി ആഘോഷിക്കുകയിരുന്നു നാളിത് വരെ, അവന്റെ സുഹൃത്തുക്കളെ ഉൾപ്പെടെ കൈകാര്യം ചെയ്യണം. ഒരു കുടുംബത്തിലെ അത്താണി ആയ ഒരു ചെറുപ്പക്കാരനെ ആണ് അവൻ കൊന്നത്. ഷുഹൈബിന്റെ വീട്ടുകാരുടെ വേദന എന്താണെന്ന് അവനും മനസ്സിലാക്കണം.
ഇതിൽ രാഷ്ട്രീയത്തിൽ ഉപരി നീതി നടപ്പാക്കണം. സ്വന്തം പാർട്ടിയെ പോലും മുൾമുനയിൽ നിർത്തുന്നവൻ ആണ് ആകാശ് തില്ലെങ്കേരി, പാർട്ടിയുടെ മറവിൽ സ്വർണം പൊട്ടിക്കൽ ആണ് അവന്റെ തൊഴിൽ. വേദനയോടെ പറയുന്നു അതിന് കൂട്ടായി അവനോടൊപ്പം കായംകുളത്തെ ചില അഭിനവ കോൺഗ്രസ് പാർട്ടി പ്രവർത്തകരും, എല്ലാവരെയും തെരുവിൽ കൈകാര്യം ചെയ്യണം.
അവസാനമായി ഒറ്റ കാര്യം, ജയിലിൽ സുഖവാസത്തിനു നിന്നെ അയക്കില്ല, കേസിലെ അവസാന വിധി എന്ത് തന്നെ ആണെങ്കിലും കേരളത്തിലെ ഓരോ യൂത്ത് കോൺഗ്രസ് പ്രവർത്തകനും നിനക്ക് വിധിച്ച ശിക്ഷ മരണം ആയിരിക്കും കട്ടായം ✊
ആകാശ് തഴയശ്ശേരിൽ, സെക്രട്ടറി, ഇന്ത്യൻ യൂത്ത് കോൺഗ്രസ്, ആലപ്പുഴ
