കോഴിക്കോട്: ഫുട്ബോള് സൂപ്പര്താരം ക്രിസ്റ്റ്യാനോ റൊണാള്ഡോയുടെ സഹോദരി എല്മ എവെയ്റോ കേരളത്തിലെത്തി. CR7 ബ്രാന്ഡ് ഡയറക്ടറായ എല്മ, കോഴിക്കോട് ബോബി ചെമ്മണ്ണൂര് ഇന്റര്നാഷണല് ജുവല്ലേഴ്സിന്റെ ഷോറൂമില് നടക്കുന്ന സ്പാര്ക്കിള് ഡയമണ്ട് ഫെസ്റ്റിന്റെ ഉദ്ഘാടനത്തിനായാണ് കേരളത്തിലെത്തിയത്.
പുലര്ച്ചെയോടെ കോഴിക്കോട് വിമാനത്താവളത്തിലെത്തിയ എല്മ എവെയ്റോയെ ബോബി ചെമ്മണ്ണൂര് ഇന്റര്നാഷണല് ജുവല്ലേഴ്സിന്റെ പ്രതിനിധികള് ചേര്ന്ന് സ്വീകരിച്ചു. സെപ്റ്റംബര് 3ന് വൈകിട്ട് 4.30നാണ് സ്പാര്ക്കിള് ഡയമണ്ട് ഫെസ്റ്റിന്റെ ഉദ്ഘാടനം നടക്കുക. ചടങ്ങില് പങ്കെടുക്കുന്നതിനായാണ് എല്മ കേരളത്തിലെത്തിയത്. ക്രിസ്റ്റ്യാനോ റൊണാള്ഡോയുമായി ബന്ധപ്പെട്ട CR7 ബ്രാന്ഡിന്റെ പ്രവര്ത്തനങ്ങളില് സജീവമായ എല്മയുടെ കേരള സന്ദര്ശനം ഫുട്ബോള് ആരാധകര്ക്കിടയിലും ശ്രദ്ധ നേടിയിട്ടുണ്ട്.