കണ്ണൂർ: ചെറുപുഴ വാഴക്കുണ്ടത്ത് ബസ് കാത്തിരിപ്പ് കേന്ദ്രത്തിൽ വയോധികനെ തലക്കടിയേറ്റ് മരിച്ച നിലയിൽ കണ്ടെത്തി. പുളിങ്ങോം സ്വദേശി ജോസുകുട്ടിയാണ് മരിച്ചത്.
ഇന്ന് പുലർച്ചെയാണ് ബസ് കാത്തിരിപ്പ് കേന്ദ്രത്തിൽ മൃതദേഹം നാട്ടുകാരുടെ ശ്രദ്ധയിൽപ്പെട്ടത്. തുടർന്ന് വിവരം പൊലീസിൽ അറിയിക്കുകയായിരുന്നു. സംഭവമറിഞ്ഞ് ചെറുപുഴ പൊലീസ് സ്ഥലത്തെത്തി പരിശോധന നടത്തി.
തലക്കടിയേറ്റ നിലയിലാണ് ജോസുകുട്ടിയുടെ മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് ജോസുകുട്ടിയുടെ സുഹൃത്തിനെ പൊലീസ് കസ്റ്റഡിയിലെടുത്തിട്ടുണ്ട്.
മരണത്തിലേക്ക് നയിച്ച സാഹചര്യങ്ങൾ സംബന്ധിച്ച് പൊലീസ് പരിശോധന തുടരുകയാണ്. സംഭവത്തിൽ കൂടുതൽ വിവരങ്ങൾ പൊലീസ് അന്വേഷണത്തിന് ശേഷമേ വ്യക്തമാകൂ.
