72-ാമത് ദേശീയ ചലച്ചിത്ര പുരസ്കാര വേദിയിൽ രണ്ട് പുരസ്കാരങ്ങളുമായി തിളങ്ങിയ ധനുഷിനേക്കാൾ ശ്രദ്ധ നേടിയത് മക്കളായ യാത്രയും ലിംഗയും. മക്കൾക്കൊപ്പമുള്ള ചിത്രങ്ങൾ സമൂഹമാധ്യമങ്ങളിൽ പങ്കുവെച്ച് സന്തോഷം പ്രകടിപ്പിച്ചിരിക്കുകയാണ് താരം.
ചടങ്ങിൽ മക്കൾക്കൊപ്പമുള്ള ചിത്രങ്ങൾ ഇൻസ്റ്റഗ്രാമിൽ പങ്കുവെച്ച ധനുഷ്, “എന്റെ തിളക്കം കവർന്നപ്പോൾ, അതിൽ എനിക്ക് ഒട്ടും വിഷമമില്ല” എന്ന കുറിപ്പും നൽകി. ആരാധകരാണ് തന്റെ ശക്തിയുടെ തൂണുകളെന്നും അവരോടുള്ള നന്ദിയും താരം കുറിപ്പിലൂടെ അറിയിച്ചു.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പ്രൗഢമായ പുരസ്കാര ചടങ്ങിൽ യാത്രയും ലിംഗയും ഫോർമൽ സ്യൂട്ടിലാണ് എത്തിയത്. ധനുഷാകട്ടെ ഷർട്ടും വേഷ്ടിയും ചെരിപ്പും ധരിച്ച ലളിതമായ ലുക്കിലാണ് ചടങ്ങിനെത്തിയത്. ഗുജറാത്തിലെ ഏകതാ നഗറിൽ നടന്ന ചടങ്ങിൽ രാഷ്ട്രപതി ദ്രൗപദി മുർമുവാണ് പുരസ്കാരങ്ങൾ സമ്മാനിച്ചത്.
ധനുഷിന് ഇത്തവണ രണ്ട് പുരസ്കാര നേട്ടങ്ങളാണുള്ളത്. ധനുഷ് സംവിധാനം ചെയ്യുകയും പ്രധാന കഥാപാത്രത്തെ അവതരിപ്പിക്കുകയും ചെയ്ത ‘റായൻ’ മികച്ച തമിഴ് ചിത്രത്തിനുള്ള ദേശീയ പുരസ്കാരം സ്വന്തമാക്കി. സംവിധായകനെന്ന നിലയിൽ ധനുഷിന്റെ ആദ്യ ദേശീയ ചലച്ചിത്ര പുരസ്കാരമാണിത്. ‘ക്യാപ്റ്റൻ മില്ലർ’ എന്ന ചിത്രത്തിലെ പ്രകടനത്തിനും ധനുഷിന് പ്രത്യേക പരാമർശം ലഭിച്ചു.
ദേശീയ പുരസ്കാര വേദിയിലെ ധനുഷിന്റെ നേട്ടങ്ങളുടെ പട്ടികയും നീളുകയാണ്. 2011ൽ ‘ആടുകളം’ എന്ന ചിത്രത്തിലെ അഭിനയത്തിന് മികച്ച നടനുള്ള ദേശീയ പുരസ്കാരം നേടിയിരുന്നു. 2021ൽ ‘അസുരൻ’ എന്ന ചിത്രത്തിലെ പ്രകടനത്തിനും മികച്ച നടനുള്ള പുരസ്കാരം ലഭിച്ചു.
