കോഴിക്കോട്: നാടക-ചലച്ചിത്ര നടി സാവിത്രി ശ്രീധരൻ അന്തരിച്ചു. വാർധക്യസഹജമായ അസുഖങ്ങളെ തുടർന്ന് ഏറെ നാളായി ചികിത്സയിലായിരുന്നു. മാങ്കാവിലെ വീട്ടിൽ വച്ചായിരുന്നു അന്ത്യം. സംസ്കാരം വൈകിട്ട് അഞ്ച് മണിക്ക് മാനാരി ശ്മശാനത്തിൽ നടക്കും.
നാടകത്തിലൂടെയാണ് സാവിത്രി ശ്രീധരൻ അഭിനയരംഗത്തേക്ക് എത്തിയത്. 40-ലേറെ നാടകങ്ങളിൽ അഭിനയിച്ചിട്ടുണ്ട്. പിന്നീട് സിനിമയിലും ശ്രദ്ധേയ സാന്നിധ്യമായി.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y……
‘സുഡാനി ഫ്രം നൈജീരിയ’ എന്ന ചിത്രത്തിൽ സൗബിൻ ഷാഹിറിന്റെ കഥാപാത്രത്തിന്റെ ഉമ്മയായി അവതരിപ്പിച്ച വേഷം ഏറെ ശ്രദ്ധിക്കപ്പെട്ടു. ചിത്രത്തിലെ അഭിനയത്തിന് 66-ാമത് ദേശീയ ചലച്ചിത്ര പുരസ്കാരത്തിൽ പ്രത്യേക പരാമർശം ലഭിച്ചു. കൂടാതെ മികച്ച സ്വഭാവനടിക്കുള്ള കേരള സംസ്ഥാന ചലച്ചിത്ര പുരസ്കാരവും സ്വന്തമാക്കി. നാടകവേദിയിലും സിനിമയിലും തനതായ അഭിനയശൈലിയിലൂടെ ശ്രദ്ധ നേടിയ കലാകാരിയായിരുന്നു സാവിത്രി ശ്രീധരൻ.
