കൊച്ചി: ആള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ ഇടപ്പള്ളി മേഘലയുടെ ആഭിമുഖ്യത്തില്‍ നടത്തിയ കുടുംബസംഗമം ‘ആരവം 2k26’ ഒക്ടോബര്‍ 2 ആം തീയതി PWD റസ്റ്റ് ഹൗസില്‍ വച്ച് ഉച്ചക്ക് ശേഷം 2 മണി മുതല്‍ വിവിധ കല, കായിക പരിപാടികളുമായി സംഘടിപ്പിച്ചു. AKPA എറണാകുളം ജില്ല ബ്ലഡ് ഡൊണേഷന്‍ ക്ലബ് കോര്‍ഡിനേറ്റര്‍ സലാര്‍ കോമത്തിന്റെ ഈശ്വര പ്രാര്‍ത്ഥനയോടെ ആരംഭിച്ച ഉദ്ഘാടന പരുപാടി AKPA ഇടപ്പള്ളി മേഖല പ്രസിഡന്റ് ആന്‍സന്‍ മാത്യു അധ്വക്ഷത നിര്‍വഹിക്കുകയും AKPA ഇടപ്പള്ളി മേഖല സെക്രട്ടറി സേവിയര്‍ കുഞ്ഞുമോള്‍ സ്വാഗതവും പറഞ്ഞു.
തുടര്‍ന്ന് തൃക്കാക്കര MLA ഉമ തോമസ് ഉദ്ഘാടനകര്‍മം നിര്‍വഹിച്ചുകൊണ്ട് സംസാരിച്ചു. സംസ്ഥാന സ്‌കൂള്‍ കലോത്സവത്തിന് കഴിഞ്ഞ മൂന്നുവര്‍ഷമായി തബലയില്‍ എ ഗ്രേഡ് നേടിയ മേഖല വൈസ് പ്രസിഡന്റ് മിഥുന്‍ ജോര്‍ജിന്റെ മകന്‍ ക്രിസ്റ്റി ആന്റണി ജോര്‍ജിനെ ആദരിച്ചു. തുടര്‍ന്ന് മേഖലയിലെ 70 വയസ്സ് കഴിഞ്ഞ മുതിര്‍ന്ന 4 അംഗങ്ങള്‍ക്ക് സംസ്ഥാന കമ്മിറ്റി ഏറ്റെടുത്ത് നടത്തുന്ന കൈനീട്ടം പദ്ധതിയുടെ തുക നല്‍കി ആദരിച്ചു. ശേഷം എംഎല്‍എയ്‌ക്ക് മേഖല പ്രസിഡന്റ് ഉപഹാരം നല്‍കി.
തുടര്‍ന്ന് AKPA ജില്ലാ വൈസ് പ്രസിഡന്റ് ശ്രീജിത്ത് ശിവറാം, AKPA ജില്ലാ ജോയിന്‍ സെക്രട്ടറി രാജേന്ദ്രന്‍ നായര്‍, AKPA ജില്ലാ വെല്‍ഫെയര്‍ ഫണ്ട് ചെയര്‍മാന്‍ സിബി ജോസഫ് എന്നിവര്‍ ആശംസകള്‍ നല്‍കി. തുടര്‍ന്ന് മേഖല ട്രഷറര്‍ സുരാജ് കുമാര്‍ നന്ദി പറഞ്ഞു. ശേഷം വിവിധ കല, കായിക പരിപാടികളും, സമ്മാനദാനവും, കരോക്കെ ഗാനമേളയും, DJ മ്യൂസിക്കല്‍ ഷോയും, സ്‌നേഹവിരുന്നുമായി അന്നേ ദിനം ഉത്സവമായി കൊണ്ടാടി.
