കോഴിക്കോട്: പുഴയില്‍ കുളിക്കാനിറങ്ങിയ 13 വയസുകാരന്‍ മുങ്ങിമരിച്ചു. ചാത്തമംഗലം പാലാട്ടുമ്മല്‍ ഷമീറിന്റെ മകന്‍ സനു ഫിയാസ് (13) ആണ് മരിച്ചത്. ചോയിമഠം ചെറുപുഴയില്‍ ഉച്ചയ്‌ക്ക് രണ്ടരയോടെയാണ് അപകടമുണ്ടായത്. സനു ഫിയാസും മറ്റൊരു കുട്ടിയും പുഴയില്‍ കുളിക്കാനിറങ്ങുകയായിരുന്നു. ഇതിനിടെ കുട്ടികള്‍ മുങ്ങിപ്പോയതോടെ ബഹളം കേട്ട് സമീപത്ത് താമസിക്കുന്ന മഹാരാഷ്‌ട്ര സ്വദേശികള്‍ സ്ഥലത്തെത്തി. ഒരുകുട്ടിയെ ഇവര്‍ രക്ഷപ്പെടുത്തി. എന്നാല്‍ സനു ഫിയാസിനെ കണ്ടെത്താനായില്ല.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
തുടര്‍ന്ന് മുക്കം അഗ്‌നിരക്ഷാസേനയെ വിവരമറിയിച്ചു. ഫയര്‍ഫോഴ്‌സ് സംഘം സ്ഥലത്തെത്തി നടത്തിയ തിരച്ചിലിനൊടുവിലാണ് സനു ഫിയാസിന്റെ മൃതദേഹം കണ്ടെത്തിയത്. മൃതശരീരം കോഴിക്കോട് മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. സംഭവത്തില്‍ തുടര്‍നടപടികള്‍ പുരോഗമിക്കുകയാണ്.
