ധര്മ്മശാല: ന്യൂസിലന്ഡിനെതിരായ ഏകദിന പരമ്പരയിലെ ആദ്യ മത്സരത്തില് സുരേഷ് റെയ്ന കളിക്കില്ല. കടുത്ത പനിയെ തുടര്ന്നാണ് റെയ്നയ്ക്ക് മത്സരം നഷ്ടമാകുന്നതെന്ന് ബിസിസിഐ ട്വീറ്റ് ചെയ്തു. റെയ്നയ്ക്ക് പകരം ആരെയും ടീമില് ഉള്പ്പെടുത്തിയിട്ടില്ല.
2015 ഒക്ടോബറില് ദക്ഷിണാഫ്രിക്കയ്ക്കെതിരെ മുംബൈയില് നടന്ന ഏകദിനത്തിലാണ് രെയ്ന അവസാനമായി കളിച്ചത്. അന്ന് ഇന്ത്യ 214 റണ്സിന്റെ വലിയ തോല്വി വഴങ്ങുകയും ചെയ്തിരുന്നു. 13 പന്തില് നിന്ന് 12 റണ്സായിരുന്നു റെയ്നയുടെ സമ്പാദ്യം. മോശം ഫോമിനെ തുടര്ന്ന് ഓസ്ട്രേലിയക്കും സിംബാബ് വേക്കും എതിരായ പരമ്പരയില് നിന്ന് റെയ്നയെ ഒഴിവാക്കുകയായിരുന്നു.
പാര്ട്ട് ടൈം സ്പിന് ബൗള് ചെയ്യാനുള്ള മികവ് പരിഗണിച്ചാണ് ന്യൂസിലന്ഡിനെതിരായ ആദ്യ മൂന്ന് ഏകദിനത്തിനുള്ള ടീമിലേക്ക് റെയ്നയെ പരിഗണിച്ചത്. റെയ്നക്ക് പകരക്കാരനായി ടീമിലെത്താന് സാധ്യതയുള്ളത് മന്ദീപ് സിംഗാണ്. ഈ വര്ഷമാദ്യം സിംബാബ് വെക്കെതിരായ ട്വന്റിട്വന്റിയില് മന്ദീപ് കളിച്ചിരുന്നു.
പനി കാരണം ഉത്തര്പ്രദേശിന്റെ സീസണിലെ ആദ്യ രഞ്ജി മത്സരവും റെയ്നയ്ക്ക് നഷ്ടമായിരുന്നു. മധ്യപ്രദേശിനെതിരായ മത്സരത്തില് നായകന്റെ അഭാവത്തില് ഇറങ്ങിയ യുപി മത്സരം ഇന്നിംഗ്സിനും 64 റണ്സിനും തോല്ക്കുകയും ചെയ്തു.