ദുബായ്: ദുബായ് വേള്ഡ് എക്സ്പോ 2020 ന്റെ ആഗോള അംബാസഡറായി അര്ജന്റീനിയന് ഫുട്ബാള് താരം ലയണല് മെസിയെ തെരഞ്ഞെടുത്തു. അഞ്ചാം തവണയും ലോക ഫുട്ബാളറായതിന് പിന്നാലെയാണ് മെസിയെ തേടി ഈ പദവി എത്തിയത്.
സാമൂഹിക മാധ്യമങ്ങളില് എട്ടു കോടി പേര് പിന്തുടരുന്ന ആധുനിക ഫുട്ബാളിലെ താരമെന്ന പരിഗണനയും അര്ജന്റീനയന് ഫുട്ബാളിന് മെസി നല്കിയ സംഭാവനകളും ലോകമെങ്ങും ഉള്ള ആരാധകരെയും കണക്കിലെടുത്താണ്, ദുബായ് വേള്ഡ് എക്സ്പോ 2020 യുടെ ആദ്യആഗോള അംബാസഡറായി മെസിയെ തെരഞ്ഞെടുത്തത്. ഇത് സംബന്ധിച്ച കരാറില് എക്സ്പോ ഡയറക്ടര് ജനറലും യുഎഇ സഹമന്ത്രിയുമായ റീം ഇബ്രാഹിം അല് ഹാശിമിയും മെസിയും ഒപ്പുവച്ചു.
നൂറുകണക്കിന് രാജ്യങ്ങളെയും ലക്ഷകണക്കിന് ജനങ്ങളെയും ഒന്നിപ്പിക്കുക എന്നതാണ് എക്സ്പോ 2020 അന്താരാഷ്ട്ര മേളയുടെ ലക്ഷ്യമെന്നും കഠിനാധ്വാനത്തിലുടെ ലോകം കീഴടക്കിയ, വ്യക്തിത്വമായ മെസിയിലൂടെ ലോകമെങ്ങുമുളള യുവജനങ്ങളിലേക്ക് മേളയുടെ സന്ദേശം എത്തിക്കാന് സാധിക്കുമെന്നും റീം ഇബ്രാഹിം അല് ഹാശിമി പറഞ്ഞു.
സ്പോര്ട്സ്, കല, സംഗീതം, സംസ്കാരം, മാദ്ധ്യമം, ശാസ്ത്ര -സാങ്കേതികം, വാണിജ്യം തുടങ്ങിയ മേഖലകളില് നിന്നുള്ള വ്യക്തിത്വങ്ങളെയാണ് എക്സ്പോ 2020 ന്റെ ആഗോള അംബാസഡര്മാരായി ദുബായ് നിയമിക്കുന്നത്.
