ന്യൂഡൽഹി : ഓസ്ട്രേലിയൻ ഓൾ റൗണ്ടർ ഷെയ്ൻ വാട്സൺ അന്താരാഷ്ട്ര ക്രിക്കറ്റിൽ നിന്ന് വിരമിക്കുന്നു.ട്വന്റി-20 ലോകകപ്പോടെ ക്രീസ് വിടുകയാണെന്ന് വാട്സൺ അറിയിച്ചു .14 വർഷം നീണ്ട കരിയർ അവസാനിപ്പിക്കാൻ പറ്റിയ സമയമാണിതെന്നും വാട്സൺ പറഞ്ഞു.
34 കാരനായ വാട്സൺ കഴിഞ്ഞ ആഷസ് പരമ്പരയ്ക്ക് ശേഷം ടെസ്റ്റ് ക്രിക്കറ്റിൽ നിന്നും വിരമിച്ചിരുന്നു.190 ഏകദിനങ്ങളിൽ നിന്ന് 5757 റൺസും 168 വിക്കറ്റും സ്വന്തമാക്കിയിട്ടുണ്ട്. 56 ട്വന്റി-20 മത്സരങ്ങളിൽ നിന്ന് 1400 റൺസും 46 വിക്കറ്റുമാണ് ഓസ്ട്രേലിയൻ താരത്തിന്റെ സമ്പാദ്യം.കഴിഞ്ഞ സെപ്തംബറിന് ശേഷം ഏകദിന ടീമിലും ഇടംപിടിക്കാൻ വാട്സണ് കഴിഞ്ഞിരുന്നില്ല.
